- آئی ایم ایف بورڈ کا شیڈول جاری، پاکستان کا اقتصادی جائزہ شامل نہیں
- رشتہ سے انکار پر تیزاب پھینک کر قتل کرنے کے ملزم کو عمر قید کی سزا
- کراچی؛ دو بچے تالاب میں ڈوب کر جاں بحق
- ججوں کے خط کا معاملہ، اسلام آباد ہائیکورٹ نے تمام ججوں سے تجاویز طلب کرلیں
- خیبرپختونخوا میں بارشوں سے 36 افراد جاں بحق، 46 زخمی ہوئے، پی ڈی ایم اے
- انٹربینک میں ڈالر کی قدر میں تنزلی، اوپن مارکیٹ میں معمولی اضافہ
- سونے کے نرخ بڑھنے کا سلسلہ جاری، بدستور بلند ترین سطح پر
- گداگروں کے گروپوں کے درمیان حد بندی کا تنازع؛ بھیکاری عدالت پہنچ گئے
- سائنس دانوں کی سائبورگ کاکروچ کی آزمائش
- ٹائپ 2 ذیا بیطس مختلف قسم کے سرطان کے ساتھ جینیاتی تعلق رکھتی ہے، تحقیق
- وزیراعظم کا اماراتی صدر سے رابطہ، موسمیاتی تبدیلی سے نمٹنے کے لیے مشترکہ اقدامات پر زور
- پارلیمنٹ کی مسجد سے جوتے چوری کا معاملہ؛ اسپیکر قومی اسمبلی نے نوٹس لے لیا
- گزشتہ ہفتے 22 اشیا کی قیمتیں بڑھ گئیں، ادارہ شماریات
- محکمہ موسمیات کی کراچی میں اگلے تین روز موسم گرم و مرطوب رہنے کی پیش گوئی
- بھارت؛ انسٹاگرام ریل بنانے کی خطرناک کوشش نے 21 سالہ نوجوان کی جان لے لی
- قطر کے ایئرپورٹ نے ایک بار پھر دنیا کے بہترین ایئرپورٹ کا ایوارڈ جیت لیا
- اسرائیلی بمباری میں 6 ہزار ماؤں سمیت 10 ہزار خواتین ہلاک ہوچکی ہیں، اقوام متحدہ
- 14 دن کے اندر کے پی اسمبلی اجلاس بلانے اور نومنتخب ممبران سے حلف لینے کا حکم
- ایل ڈی اے نے 25 ہاﺅسنگ سوسائٹیوں کے پرمٹ اور مجوزہ لے آﺅٹ پلان منسوخ کردیے
- امریکا نے اقوام متحدہ میں فلسطین کی مستقل رکنیت کی قرارداد ویٹو کردی
روہڑی اور نارا کینال پر2 پاور پلانٹ لگائے جائیں گے، آصف زرداری نے سنگ بنیاد رکھ دیا
روہڑی: سابق صدر آصف زرداری نے کہا ہے کہ بجلی کی پیداوار بڑھانے اور ملک میں جاری بجلی کابحران ختم کرنے کے لیے ضروری ہے کہ بجلی پیداکرنے کے مزید منصوبے بنائے جائیں، گڈواورسکھربیراج پر بھی بجلی پیدا کرنے کے منصوبے بنائے جائیں، روہڑی اور نارا کینال پر بنائے جانے والے پاور پروجیکٹ اہم منصوبے ہیں جو بجلی کی کمی پورا کرنے میں کارآمد ثابت ہوں گے جس کے نتیجے میں علاقے کے عوام کو بجلی کی فراہمی کے ساتھ ساتھ زراعت کے شعبے میں بھی ترقی بھی حاصل ہوگی۔
روہڑی اور نارا کینال پر پانی سے بجلی پیدا کرنے کے منصوبوں کا سنگ بنیاد رکھنے کے موقع پر بات چیت کرتے ہوئے انھوں نے کہا کہ ان 2 پاور پروجیکٹس کے علاوہ دیگر پاور پروجیکٹ بھی لگائے جائیں گے اس کے ساتھ ساتھ گڈو بیراج پر بھی 40 میگا واٹ کے پاور پروجیکٹ کا منصوبہ بھی بنایا جائے گا۔ انھوں نے ہدایت دی کہ سکھر بیراج کے اسٹرکچر کو تبدیل کیے بغیر بجلی کے منصوبوں کی بارے میں بھی اسٹڈی کی جائے۔ انھوں نے دونوں پاور پروجیکٹس کو مقررہ وقت میں مکمل کرنے کی ہدایات دیں۔ اس موقع پر کنسلٹنٹ انرجی پاور پروجیکٹ خورشید جمالی نے بریفنگ دیتے ہوئے کہا کہ روہڑی کینال کی آرڈی 15 پر 36.4 ملین ڈالر کی لاگت سے 9 میگا واٹ کا پاور پروجیکٹ اور نارا کینال کی آرڈی 26 پر 47.7 ملین ڈالرکی لاگت سے 15 میگاواٹ کا پاور پروجیکٹ ڈھائی سال کے عرصے میں مکمل ہوں گے اور دونوں پاور پروجیکٹس کی بجلی11 کے وی میں شامل کی جائے گی ۔
جس سے سکھر اور ارد گرد کے عوام کو فائدہ حاصل ہوگا، اس سے قبل محکمہ توانائی سندھ نے سولر اور ونڈ پاور پروجیکٹ کے ذریعے مختلف منصوبے شروع کردیے ہیں۔ اس موقع پروزیر اعلیٰ سندھ قائم علی شاہ، بختاور بھٹو زرداری، صوبائی وزیر خزانہ و توانائی مراد علی شاہ، صوبائی وزیر جام مہتاب حسین ڈھر، رکن سندھ اسمبلی سید ناصر حسین شاہ ودیگر بھی موجود تھے، اس موقع پر سیکیورٹی ہائی الرٹ تھی اور سرکاری میڈیا کے علاوہ نجی میڈیاکو کوریج سے روک دیا گیا تھا۔ دوسری جانب روہڑی میں سابق صدر آصف زرداری کی جانب سے روہڑی کینال کی آرڈی 15 پر 36.4 ملین ڈالر کی لاگت سے 9 میگا واٹ کا پاور پروجیکٹ اور نارا کینال کی آرڈی 26 پر 47.7 ملین ڈالر روپے کی لاگت سے 15 میگاواٹ کے پاور پروجیکٹ کا سنگ بنیاد رکھنے کے دوران روہڑی شہر میں دن بھر بلاجواز کئی کئی گھنٹے بجلی کی بندش کاسلسلہ جاری رہا اور وقفے وقفے سے بجلی کی آنکھ مچولی سے کاروباری وگھریلو زندگی مفلوج ہوکر رہ گئی۔
واضح رہے کہ گزشتہ کافی عرصے سے روہڑی شہر کے مختلف علاقوں میں بلاجواز کئی کئی گھنٹے غیراعلانیہ لوڈشیڈنگ اوروقفے وقفے سے بجلی کی آنکھ مچولی کاسلسلہ جاری ہے شہریوںکی جانب سے بارباربجلی کی بندش کے حوالے سے جب سیپکو آفس میں رابطہ کیاجاتاہے تو حسب معمول فنی خرابی کا جواز بتایا جاتاہے۔ اس سلسلے میں شہریوں نے سیپکو کے اعلی افسران سے مطالبہ کیا ہے کہ روہڑی شہر میں غیر اعلانیہ لوڈشیڈنگ اور بلاجواز بجلی کی آنکھ مچولی کاسلسلہ بند کرایا جائے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔