نکاح خواں کے دستخط نہ کرنے کے باعث عمران خان اور ریحام کا نکاح نامہ ادھورا رہ گیا

اسلام آباد: نکاح خواں کے دستخط نہ ہونے کے باعث پاکستان تحریک انصاف کے چیرمین عمران خان اور ریحام خان کا نکاح نامہ ادھورا رہ گیا۔

ایکسپریس نیوز کے مطابق عمران خان اور ریحام خان کا نکاح پڑھانے والے مفتی سعید خود نکاح نامے پر دستخط کرنا بھول گئے جس کے باعث عمران خان اور ریحام خان کا نکاح نامہ ادھورا رہ گیا۔ مفتی سعید کا کہنا تھا کہ نکاح کے بعد لوگوں سے گلے ملتا رہا اورخود نکاح نامے پر دستخط کرنا بھول گیا  لہذا اب کل عمران خان کے نکاح نامے پر دستخط کردوں گا۔