خیبر ایجنسی میں دھماکے سے 7 شدت پسند ہلاک

دھماکا سنڈانہ تیراہ میں شدت پسندوں کے ٹھکانے میں بارودی مواد پھٹنے سے ہوا

ویب ڈیسک جمعـء 9 جنوری 2015

دھماکے میں ہلاک ہونے والے شدت پسندوں کی تاحال شناخت نہیں ہو سکی ہے۔ فوٹو؛فائل

خیبر ایجنسی: سنڈانہ تیراہ کے علاقے میں شدت پسندوں کے ٹھکانے میں موجود بارودی مواد پھٹنے سے 7 دہشت گرد ہلاک ہو گئے۔

ایکسپریس نیوز کے مطابق خیبر ایجنسی کے علاقے سنڈانہ تیراہ میں شدت پسندوں کے ٹھکانے میں موجود دھماکا خیز مواد پھٹ گیا جس کے نتیجے میں 7 دہشت گرد ہلاک ہو گئے۔ دھماکے میں ہلاک ہونے والے شدت پسندوں کا تعلق کالعدم لشکر اسلام سے بتایا جاتا ہے۔