ملک کا آئندہ وزیراعظم میں بنوں گا، سید خورشید شاہ

ویب ڈیسک  ہفتہ 10 جنوری 2015
تمام جماعتوں کو اعتماد میں لے کر فوجی عدالتوں کی حامی بھری ہے،خورشید شاہ،
فوٹو: فائل

تمام جماعتوں کو اعتماد میں لے کر فوجی عدالتوں کی حامی بھری ہے،خورشید شاہ، فوٹو: فائل

پنو عاقل: قومی اسمبلی میں قائد حزب اختلاف خورشید شاہ کا کہناہے کہ آئندہ انتخابات میں وہ وزیراعظم بنیں گے۔

پنو عاقل میں لیبر کنونشن سے خطاب کرتے ہوئے سید خورشید شاہ نے کہا کہ آئندہ انتخابات میں پیپلزپارٹی حکمران جماعت بن کر ابھرے گی اور وزیراعظم میں بنوں گا کیونکہ موجودہ دور حکومت کو بحران سے نکالنے میں مرکزی کردارادا کیا ہے جبکہ نوازشریف دو تہائی اکثریت سے منتخب ہوئے لیکن دھرنوں سے ان کے ہاتھ ٹھنڈے ہوگئے۔ انہوں نے کہا کہ تمام جماعتوں کو اعتماد میں لے کر فوجی عدالتوں کی حامی بھری ہے،  ملک میں سیاسی حالات کی بہتری سے معیشت بھی بہتر ہوگی جبکہ تمام صوبوں کو 18 ویں ترمیم کے بعد برابری کے حقوق حاصل ہیں۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔