- مودی کی انتخابی مہم کو دھچکا، ایلون مسک کا دورہ بھارت ملتوی
- بلوچستان کابینہ نے سرکاری سطح پر گندم خریداری کی منظوری دیدی
- ہتھیار کنٹرول کے دعویدارخود کئی ممالک کو ملٹری ٹیکنالوجی فراہمی میں استثنا دے چکے ہیں، پاکستان
- بشریٰ بی بی کا عدالتی حکم پر شفا انٹرنیشنل اسپتال میں طبی معائنہ
- ویمن ون ڈے سیریز؛ پاک ویسٹ انڈیز ٹیموں کا کراچی میں ٹریننگ سیشن
- محکمہ صحت پختونخوا نے بشریٰ بی بی کے طبی معائنے کی اجازت مانگ لی
- پختونخوا؛ طوفانی بارشوں میں 2 بچوں سمیت مزید 3 افراد جاں بحق، تعداد 46 ہوگئی
- امریکا کسی جارحانہ کارروائی میں ملوث نہیں، وزیر خارجہ
- پی آئی اے کا یورپی فلائٹ آپریشن کیلیے پیرس کو حب بنانے کا فیصلہ
- بیرون ملک ملازمت کی آڑ میں انسانی اسمگلنگ گینگ سرغنہ سمیت 4 ملزمان گرفتار
- پاکستان کےمیزائل پروگرام میں معاونت کا الزام، امریکا نے4 کمپنیوں پرپابندی لگا دی
- جرائم کی شرح میں اضافہ اور اداروں کی کارکردگی؟
- ضمنی انتخابات میں عوام کی سہولت کیلیے مانیٹرنگ اینڈ کنٹرول سینٹر قائم
- وزیرداخلہ سے ایرانی سفیر کی ملاقات، صدررئیسی کے دورے سے متعلق تبادلہ خیال
- پختونخوا؛ صحت کارڈ پر دوائیں نہ ملنے پر معطل کیے گئے 15 ڈاکٹرز بحال
- لاہور؛ پولیس مقابلے میں 2 ڈاکو مارے گئے، ایک اہل کار شہید دوسرا زخمی
- پختونخوا؛ مسلسل بارشوں کی وجہ سے کئی اضلاع میں 30 اپریل تک طبی ایمرجنسی نافذ
- پختونخوا؛ سرکاری اسکولوں میں کتب کی عدم فراہمی، تعلیمی سرگرمیاں معطل
- موٹر وے پولیس کی کارروائی، کروڑوں روپے مالیت کی منشیات برآمد
- شمالی کوریا کا کروز میزائل لیجانے والے غیرمعمولی طورپربڑے وارہیڈ کا تجربہ
ڈومیسٹک کرکٹ میں ناقص امپائرنگ کا پول کھل گیا
کراچی: پینٹنگولر کپ کے میچز ٹیلی کاسٹ ہونے سے ڈومیسٹک کرکٹ میں ناقص امپائرنگ کا پول کھل گیا۔
بیشتر میچز میں کئی غلط فیصلے کیے گئے، دلچسپ بات یہ ہے کہ ٹیسٹ امپائرز ضمیرحیدر اور ریاض الدین کو بھی قائد اعظم ٹرافی میں کئی غلط فیصلوں کے سبب ایونٹ سے دور رکھا گیا، جب سینئرز کا یہ حال ہو تو اس سے جونیئرز کی پرفارمنس کا اندازہ لگانا مشکل نہیں ہے۔ تفصیلات کے مطابق اقربا پروری اور پسند ناپسندکو ترجیح دینے کے سبب پاکستانی ڈومیسٹک کرکٹ سے زیادہ ٹیلنٹ سامنے نہیں آ رہا، امپائرنگ کا معیار بھی دن بہ دن پستی کی جانب گامزن اور یہی وجہ ہے کہ علیم ڈار جیسا نام کوئی اور ملکی امپائر نہیں کما سکا، اسد رؤف نے اپنی ساکھ آئی پی ایل اسپاٹ فکسنگ کیس میں گنوا دی۔ ان دنوں کراچی میں جاری پینٹنگولرکپ ٹیلی کاسٹ ہونے سے امپائرنگ کے معیار کی قلعی کھل گئی،کئی میچز میں اتنے غلط فیصلے سامنے آئے جس سے شائقین سر پکڑ کر بیٹھ گئے۔
اس سے بخوبی علم ہوتا ہے کہ جو میچز ٹی وی پر نہیں دکھائے جاتے ان میں کیا ہوتا ہوگا، دلچسپ بات یہ ہے کہ ٹیسٹ امپائر ریاض الدین اور کچھ عرصے قبل تک آئی سی سی پینل میں شامل ضمیرحیدر بھی ناقص کارکردگی کے سبب پینٹنگولر کپ سے باہر ہیں،ذرائع نے بتایا کہ قائد اعظم ٹرافی میں انکے بعض غلط فیصلوں کی ٹیم آفیشلز نے بمعہ ثبوت بورڈ سے شکایت کی تھی، ویسے تو حکام ایسی باتوں کا نوٹس نہیں لیتے لیکن ٹیلی ویژن پر میچز آنے کے سبب کوئی خطرہ مول نہیں لیا۔ اس وقت پی سی بی کرکٹ کمیٹی میں شامل شکیل شیخ اسلام آباد کرکٹ ایسوسی ایشن کے صدر جبکہ اقبال قاسم نیشنل بینک سے وابستہ ہیں، ان دونوں کی ٹیمیں فرسٹ کلاس کرکٹ میں حصہ لیتی جبکہ انہی کو ایونٹس کے وینیوز اور امپائرز کی تقرری کے اختیارات بھی حاصل ہیں۔اسی طرح جونیئر چیف سلیکٹر باسط علی سوئی گیس، سینئر سلیکٹر وجاہت اﷲ واسطی زیڈٹی بی ایل اور شعیب محمد پی آئی اے کی ٹیموں میں اہم پوزیشنز رکھتے ہیں۔
دوسری جانب اس حوالے سے جب منیجر ڈومیسٹک ثاقب عرفان سے رابطہ کیا گیا تو انھوں نے ڈائریکٹر انتخاب عالم سے بات کرنے کا کہا جنھوں نے کال ریسیو نہیں کی۔ البتہ پی سی بی کے ترجمان نے یہ دلچسپ تبصرہ کیاکہ ریاض اور ضمیر پر پابندی نہیں لگی مگر پینٹنگولر کپ کیلیے قائد اعظم ٹرافی کے8بہترین آفیشلز کا انتخاب کیا گیا۔ کرکٹ حلقوں کے مطابق جس ملک کے بورڈ الیٹ پینل میں شامل آفیشل ٹاپ8میں نہیں آتے وہاں کی امپائرنگ کا اﷲ ہی حافظ ہے۔ اسی طرح انٹرنیشنل تقرریوں میں بھی میرٹ اور سینیارٹی کا خیال نہیں رکھا جا رہا، اس کا ثبوت سابق فرسٹ کلاس کرکٹر راشد ریاض اور فاروق علی خان کی یو اے ای میں جاری پاک سری لنکا سیریز میں پوسٹنگ ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔