- گجرات میں اسپتال کی چھت گرنے سے خاتون سمیت تین افراد جاں بحق
- سعودی فرمانروا طبی معائنے کیلیے اسپتال میں داخل
- امریکی سیکریٹری اسٹیٹ سرکاری دورے پر چین پہنچ گئے
- ہم یہاں اچھی کرکٹ کھیلنے آئے ہیں، جیت سے اعتماد ملا، مائیکل بریسویل
- پچھلے میچ کی غلطیوں سے سیکھ کر سیریز جیتنے کی کوشش کرینگے، بابراعظم
- امریکا میں ٹک ٹاک پر پابندی کا بل سینیٹ سے بھی منظور
- محمد رضوان اور عرفان خان کو نیوزی لینڈ کے خلاف آخری دو میچز میں آرام دینے کا فیصلہ
- کے ایم سی کا ٹریفک مسائل کو حل کرنے کیلئے انسداد تجاوزات مہم کا فیصلہ
- موٹروے پولیس اہلکار کو روندنے والی خاتون گرفتار
- ہندو جیم خانہ کیس؛ آپ کو قبضہ کرنے نہیں دیں گے، چیف جسٹس کا رمیش کمار سے مکالمہ
- بشری بی بی کو کچھ ہوا تو حکومت اور فیصلہ سازوں کو معاف نہیں کریں گے، حلیم عادل شیخ
- متحدہ وفد کی احسن اقبال سے ملاقات، کراچی کے ترقیاتی منصوبوں پر تبادلہ خیال
- کراچی میں سیشن جج کے بیٹے قتل کی تحقیقات مکمل،متقول کا دوست قصوروار قرار
- غزہ کے اسپتالوں میں اجتماعی قبروں نے اقوام متحدہ کو بھی خوفزدہ کردیا
- ایکس کی اسمارٹ ٹی وی ایپ متعارف کرانے کی تیاری
- جوائن کرنے کے چند ماہ بعد ہی اکثر لوگ ملازمت کیوں چھوڑ دیتے ہیں؟
- لڑکی کا پیار جنون میں تبدیل، بوائے فرینڈ نے خوف کے مارے پولیس کو مطلع کردیا
- تاجروں کی وزیراعظم کو عمران خان سے بات چیت کرنے کی تجویز
- سندھ میں میٹرک اور انٹر کے امتحانات مئی میں ہونگے، موبائل فون لانے پر ضبط کرنے کا فیصلہ
- امریکی یونیورسٹیز میں اسرائیل کیخلاف ہزاروں طلبہ کا مظاہرہ، درجنوں گرفتار
افغانستان میں سیکیورٹی فورسز کا آپریشن، طالبان کے ڈپٹی گورنر سمیت 9 جنگجو ہلاک
کابل: افغان نیشنل سیکیورٹی فورسزکے آپریشن میں طالبان کے فرضی ڈپٹی گورنر اور اہم کمانڈروں سمیت 9 جنگجو ہلاک ہوگئے جب کہ طالبان کے حملوں میں 3 افغان فوجی بھی مارے گئے۔
ادھر افغان انٹیلی جنس نے کابل پر راکٹ حملوں اور خودکش کاربم حملے کا منصوبہ ناکام بناتے ہوئے بڑی مقدار میں دھماکا خیز مواد اور راکٹ برآمد کرکے ایک عسکریت پسند کو گرفتار کرلیا، دوسری جانب داعش نے صوبے فراہ میں تربیتی کیمپ قائم کردیے۔ جمعرات کو افغان میڈیا کے مطابق افغان نیشنل آرمی کے آپریشن میں9 جنگجو مارے گئے جن میں طالبان کا فرضی نائب گورنر بھی شامل ہے۔ وزارت دفاع کے مطابق گزشتہ 24 گھنٹوں میں طالبان کے حملوں میں 3 افغان فوجی ہلاک ہوگئے۔
افغان نیشنل آرمی نے دیسی ساختہ دھماکا خیز مواد کی 20 ڈیوائسز بھی قبضے میں لے لیں۔دریں اثنا وزارت داخلہ کے ترجمان صدیق صدیقی نے بیان میں بتایا کہ افغان نیشنل آرمی کے آپریشن میں طالبان کے فرضی ڈپٹی گورنر سمیت 9 جنگجو مارے گئے، ہلاک ہونے والوںمیں3 سینئر طالبان رہنما شامل ہیں جن کی شناخت غفار شفق، ملائم زکریا اور ملاعبیداللہ کے نام سے ہوئی ہے۔
ادھر صوبے وردک میں دیسی ساختہ دھماکا خیزمواد سے بھری ایک کار قبضے میں لے کر ناکارہ بنادی گئی۔ ایک اور آپریشن کے دوران افغان انٹیلی جنس نے کابل کے ضلع خاکی جبار سے10 بی ایم ون راکٹ قبضے میں لے لیے۔ افغان انٹیلی جنس نے ضلع دہہ سبزمیں کاروائی کرکے اینٹی ایئر کرافٹ گن کے 20 باکس برآمد کرلیے۔ دوسری جانب داعش نے افغانستان کے صوبے فراہ میں تربیتی کیمپ قائم کر دیے، درجنوں افراد پر مشتمل گروپ کے پاس جدید ہتھیار اور داعش کے جھنڈے ہیں۔مقامی حکام کا کہنا ہے کہ تربیتی کیمپ خاک سفید کے علاقے میں گزشتہ 3 ہفتوں سے فعال ہیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔