لاہور میں 7 سالہ بچے کو زیادتی کے بعد قتل کرنے والا ملزم مبینہ پولیس مقابلے میں ہلاک

لاہور: گرین ٹاون میں 7 سالہ معین کو زیادتی کے بعد پھندہ دے کر قتل کرنے والا ملزم مبینہ پولیس مقابلے میں ہلاک ہوگیا۔

پولیس کے مطابق ملزم شعیب کو عدالت میں پیش کرنے کے لئے لے جایا جا رہا تھا کہ راستے میں ملزم نے پولیس اہلکاروں سے اسلحہ چھین کر فرار ہونے کی کوشش کی،  اس دوران  شعیب پولیس کی فائرنگ سے مارا گیا۔

واضح رہے کہ رواں ماہ کے اوائل میں گرین ٹاؤن کے رہائشی 7 سالہ معین کی لاش مسجد کے حجرے میں ملی تھی، ڈی این اے ٹیسٹ اور دیگر شواہد کی روشنی میں پولیس نے ملزم کو گرفتار کیا تھا جس نے اپنے جرم کا اعتراف کرلیا تھا۔