- غزہ کی اجتماعی قبروں میں فلسطینیوں کو زندہ دفن کرنے کا انکشاف
- اسمگلنگ کا قلع قمع کرکے خطے کو امن کا گہوارہ بنائیں گے ، شہباز شریف
- پاکستان میں دراندازی کیلیے طالبان نے مکمل مدد فراہم کی، گرفتار افغان دہشتگرد کا انکشاف
- سعودی دارالحکومت ریاض میں پہلا شراب خانہ کھول دیا گیا
- موٹر وے پولیس اہل کار کو ٹکر مارنے والی خاتون جوڈیشل ریمانڈ پر جیل روانہ
- کراچی میں رینجرز ہیڈ کوارٹرز سمیت تمام عمارتوں کے باہر سے رکاوٹیں ہٹانے کا حکم
- اوگرا کی تیل کی قیمتیں ڈی ریگولیٹ کرنے کی تردید
- منہدم نسلہ ٹاور کے پلاٹ کو نیلام کر کے متاثرہ رہائشیوں کو پیسے دینے کا حکم
- مہنگائی کے باعث لوگ اپنے بچوں کو فروخت کرنے پر مجبور ہیں، پشاور ہائیکورٹ
- کیا عماد، عامر اور فخر کو آج موقع ملے گا؟
- سونے کی قیمتوں میں معمولی اضافہ
- عمران خان، بشریٰ بی بی کو ریاستی اداروں کیخلاف بیان بازی سے روک دیا گیا
- ویمنز ٹیم کی سابق کپتان بسمہ معروف نے ریٹائرمنٹ کا اعلان کردیا
- امریکی یونیورسٹیز میں ہونے والے مظاہروں پر اسرائیلی وزیراعظم کی چیخیں نکل گئیں
- پولیس یونیفارم پہننے پر مریم نواز کیخلاف کارروائی ہونی چاہیے، یاسمین راشد
- قصور ویڈیو اسکینڈل میں سزا پانے والے 2 ملزمان بری کردیے گئے
- سپریم کورٹ نے اسپیکر بلوچستان اسمبلی عبدالخالق اچکزئی کو بحال کر دیا
- مرغی کی قیمت میں کمی کیلیے اقدامات کر رہے ہیں، وزیر خوراک پنجاب
- عوام کو کچھ نہیں مل رہا، سارا پیسہ سرکاری تنخواہوں میں دیتے رہیں گے؟ چیف جسٹس
- وزیراعلیٰ بننے کیلئے خود کو ثابت کرنا پڑا، آگ کے دریا سے گزر کر پہنچی ہوں، مریم نواز
آئی سی سی نے محمد عامر کو ڈومیسٹک کرکٹ کھیلنے کی اجازت دے دی
دبئی: آئی سی سی نے اسپاٹ فکسنگ کیس میں ملوث فاسٹ بولر محمد عامر کی سزا میں 6 ماہ کی مہلت دیتے ہوئے ڈومیسٹک کرکٹ کھیلنے کی اجازت دے دی ہے۔
دبئی میں آئی سی بورڈ میٹنگ کے اجلاس میں اینٹی ڈوپنگ اور اینٹی کرپشن قوانین کی منظوری کی گئی۔ آئی سی سی کے اجلاس میں فاسٹ بولر محمد عامر کی سزا میں نرمی کے حوالے سے بھی تفصیلی تبادلہ خیال کیا گیا اور پھر فاسٹ بولر کی سزا میں 6 ماہ کی نرمی کرتے ہوئے انہیں ڈومیسٹک کرکٹ کھیلنے کی اجازت دی گئی۔ آئی سی سی اینٹی ڈوپنگ اینڈ اینٹی کرپشن کمیٹی کا کہنا تھا کہ محمد عامر نے نہ صرف اپنی غلطی کا اعتراف کیا بلکہ کرپشن کے خاتمے میں تعاون بھی کیا۔ محمد عامر کا رویہ مثبت رہا اور امید ہے کہ عامر انٹرنیشنل کرکٹ سے کرپشن کے خاتمے کے لئے آئندہ بھی تعاون جاری رکھیں گے۔
ایکسپریس نیوز سے بات کرتے ہوئے محمد عامر کا کہنا تھا کہ آئی سی سی کی جانب سے ڈومیسٹک کرکٹ کھیلنے کی اجازت ملنے پر سب سے پہلے اللہ کا شکر ادا کرتا ہوں کہ ساڑھے 4 سال کے انتہائی لمبے وقفے کے بعد کرکٹ میں واپسی ہورہی ہے۔ نجم سیٹھی اور شہریار خان سمیت ان تمام لوگوں کا شکر گزار ہوں جنہوں نے واپسی کے لئے میرا ساتھ دیا۔ محمد عامر کا کہنا تھا کہ پورا فوکس فٹنس پر ہوگا اور بہت پر امید ہوں کہ ڈومیسٹک اور گریڈ اے کرکٹ میں اپنی پرفارمنس کے ذریدے سے قومی ٹیم میں جگہ بنا لوں گا، کوشش ہو گی کہ انٹر نیشنل کرکٹ میں ایک بار پھر اپنی پرانی پرفارمنس دکھاؤں۔ اب ایک بدلا ہوا محمد عامر نظر آئے گا اور اپنی پرفارمنس سے لوگوں کو جواب دوں گا۔
محمد عامر کے ساتھ سزا پانے والے فاسٹ بولر محمد آصف کا کہنا ہے کہ عامر کی سزا میں نرمی کا فیصلہ بہت خوش آئند ہے، محمد عامر کی سزا میں نرمی کے بعد دوسروں کے لئے بھی دروازے کھیلیں گے، امید ہے کہ پی سی بی میرے لئے بھی کوشش کرے گا اور میرے حق میں بھی بہتر فیصلہ سامنے آئے گا۔
واضح رہے کہ آئی سی سی نے 2010 اسپاٹ فکسنگ کے الزام میں 3 پاکستانی کرکٹرز محمد عامر، محمد آصف اور سلمان بٹ پر 5، 7 اور 10 سال کی پابندی لگائی تھی۔ محمد عامر کی سزا رواں برس ستمبر میں ختم ہونی تھی تاہم پی سی بی کی جانب سے محمد عامر کو کم عمری اور وعدہ معاف گواہ بننے کے بعد ان کی سزا میں کمی کے لئے اپیل کی گئی تھی۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔