سربیا کے نوواک جوکووچ نے آسٹریلین اوپن ٹینس ٹائٹل اپنے نام کرلیا

میلبرن: سربیا کے ٹینس اسٹار نوواک جوکووچ نے آسٹریلین اوپن ٹینس کے فائنل میں اینڈی مرے کو شکست دے کر پانچویں مرتبہ ٹائٹل اپنے نام کرلیا۔

آسٹریلیا کے شہر میلبرن میں آسٹریلین اوپن ٹینس کے فائنل میچ میں سربیا کے نوواک جوکووچ کا مقابلہ برطانیہ کے اینڈی مرے سے ہوا جس میں دونوں کھلاڑیوں کے درمیان تینوں راؤنڈز میں دلچسپ مقابلہ ہوا لیکن چوتھے اور آخری راؤنڈ میں اینڈی مرے کی گرفت کھیل پر کمزور پڑگئی  اوراس کا فائدہ اٹھاتے ہوئے نوواک جوکووچ نے انہیں کوئی پوائنٹ حاصل کرنے نہیں دیا یوں  فائنل جوکووچ نے  6-7،7-6، 3-6 اور 0-6 سے جیت کر ٹائنل اپنے نام کرلیا۔