- نوڈیرو ہاؤس عارضی طور پر صدرِ مملکت کی سرکاری رہائش گاہ قرار
- یوٹیوبر شیراز کی وزیراعظم شہباز شریف سے ملاقات
- حکومت کا بجلی کی پیداواری کمپنیوں کی نجکاری کا فیصلہ
- بونیر میں مسافر گاڑی کھائی میں گرنے سے ایک ہی خاندان کے 8 افراد جاں بحق
- بجلی 2 روپے 75 پیسے فی یونٹ مہنگی کردی گئی
- انٹربینک اور اوپن مارکیٹ میں ڈالر کی نسبت روپیہ تگڑا
- حکومت نے 2000 کلومیٹر تک استعمال شدہ گاڑیاں درآمد کرنے کی اجازت دیدی
- کراچی: ڈی آئی جی کے بیٹے کی ہوائی فائرنگ، اسلحے کی نمائش کی ویڈیوز وائرل
- انوار الحق کاکڑ، ایمل ولی بلوچستان سے بلامقابلہ سینیٹر منتخب
- جناح اسپتال میں خواتین ڈاکٹروں کو بطور سزا کمرے میں بند کرنے کا انکشاف
- کولیسٹرول قابو کرنیوالی ادویات مسوڑھوں کی بیماری میں مفید قرار
- تکلیف میں مبتلا شہری کے پیٹ سے زندہ بام مچھلی برآمد
- ماہرین کا اینڈرائیڈ صارفین کو 28 خطرناک ایپس ڈیلیٹ کرنے کا مشورہ
- اسرائیل نے امن کا پرچم لہرانے والے 2 فلسطینی نوجوانوں کو قتل کردیا
- حکومت نے آٹا برآمد کرنے کی مشروط اجازت دے دی
- سائفر کیس میں امریکی ناظم الامور کو نہ بلایا گیا نہ انکا واٹس ایپ ریکارڈ لایا گیا، وکیل عمران خان
- سندھ ہائیکورٹ میں جج اور سینئر وکیل میں تلخ جملوں کا تبادلہ
- حکومت کا ججز کے خط کے معاملے پر انکوائری کمیشن بنانے کا اعلان
- زرمبادلہ کے سرکاری ذخائر 8 ارب ڈالر کی سطح پر مستحکم
- پی ٹی آئی کا عدلیہ کی آزادی وعمران خان کی رہائی کیلیے ریلی کا اعلان
ڈی جی یونیڈو کی12سال بعد پاکستان آمد،چھوٹے کاروبار کی ترقی کیلیے تعاون جاری رکھنے کا عزم
اسلام آ باد: یونیڈو پاکستان میں چھوٹے اور درمیانے درجے کے کاروباری اداروں کے بہتر فروغ اور پائیدار صنعتی ترقی کے حصول کے لیے اپنا تعاون جاری رکھے گا تا کہ پاکستان غربت و بیروزگاری کا خاتمہ کر کے خوشحالی کی طرف بڑھ سکے۔ ان خیالات کااظہار یونائیٹڈ نیشنز انڈسٹریل ڈیولپمنٹ آرگنائزیشن (یونیڈو) کے ڈائریکٹر جنرل لی یانگ نے اسلام آباد چیمبر میں یونیڈو پروجیکٹس بینیفشریز اورکاروباری برادری سے خطاب میں کیا۔
انہوں نے کہا کہ یونیڈو ایسے پارٹنرز کی تلاش میں ہے جن کے تعاون سے وہ پاکستان کی معاشی ترقی کیلیے نمایاں کردار اداکرسکے۔ انہوں نے کہا کہ ان کے دورے کا مقصد ایس ایم ایز کے ساتھ تبادلہ خیال کر کے ان کاموقف جاننا ہے تا کہ یونیڈو نجی شعبے کے ایسے منصوبوں کی تکنیکی و مالی معاونت سکے جن کی تکمیل سے ملک میں بہتر، پائیدار اور ماحول دوستانہ ترقی کیلیے پیشرفت ہو۔ لی یانگ نے کہا کہ یونیڈو پاکستان میں چیمبرز آف کامرس کے تعاون سے ایس ایم ایز کی مصنوعات کی ویلیو ایڈیشن اور ان کی استعداد کار کو بہتر کرنے کیلیے کام کرنا چاہتا ہے تاکہ یہ بہتر طریقے سے کاروبار کو فروغ دے سکیں۔
انہوں نے یقین دلایا کہ شرکا نے جن منصوبوں کی تکمیل کیلیے یونیڈو کا تعاون مانگا ہے وہ ان کیلیے بیرونی ممالک سے مالی معاونت حاصل کرنے کیلیے پوری کوشش کریں گے۔ یاد رہے کہ یونیڈو کے ڈائریکٹر جنرل کا دورہ پاکستان کیلیے اس لحاظ سے بہت اہم ہے کہ 12سال بعد یونیڈو کے کسی ڈی جی نے پاکستان کا دورہ کیا۔ اس موقع پر یونیڈو کے مختلف منصوبوں سے مستفید ہونے والے کاروباری اداروں نے نمائش کا بھی اہتمام کیا جن میں پنکھے، کٹلری مصنوعات، آم، مالٹے، آلات جراحی، ہینڈی کرافٹس، ماربل پروڈکٹس، جیولری، بائیو گیس پلانٹ اور کلین ٹیک مصنوعات شامل تھیں، ڈی جی یونیڈو نے ہر اسٹال کا دورہ کیا اور مصنوعات میں گہری دلچسپی لی۔
اس موقع پر یونیڈو بینیفشریزبشمول گوجرانوالہ اور سیالکوٹ چیمبر، کراچی، قصور اور سیالکوٹ کی ٹینری ایسوسی ایشنز ، گجرانوالہ کی پنکھے تیار کرنے والوں کی ایسو سی ایشن، الرفیق انٹر پرائزز سرگودھا، کے ڈی سی بورڈز، مینگو گرورز کنسورشم سر گودھا اور سرجیکل انسٹرومنٹ مینوفیکچررز ایسوسی ایشن نے مختلف منصوبوں کیلیے تعاون کی درخواست کی جن میں کمبائنڈ ٹریٹمنٹ پلانٹس اور بائیوگیس و بائیو ماس منصوبے بھی شامل ہیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔