- قومی و صوبائی اسمبلی کی 21 نشستوں کیلیے ضمنی انتخابات21 اپریل کو ہوں گے
- انٹرنیٹ بندش کا اتنا نقصان نہیں ہوتا مگر واویلا مچا دیا جاتا ہے، وزیر مملکت
- پی ٹی آئی کی لیاقت باغ میں جلسہ کی درخواست مسترد
- پشاور میں صحت کارڈ پر دوائیں نہ ملنے کا معاملہ؛ 15 ڈاکٹرز معطل
- پہلا ٹی20؛ عماد کو پلئینگ الیون میں کیوں شامل نہیں کیا؟ سابق کرکٹرز کی تنقید
- 9 مئی کیسز؛ فواد چوہدری کی 14 مقدمات میں عبوری ضمانت منظور
- بیوی کو آگ لگا کر قتل کرنے والا اشتہاری ملزم بہن اور بہنوئی سمیت گرفتار
- پی ٹی آئی حکومت نے دہشتگردوں کو واپس ملک میں آباد کیا، وفاقی وزیر قانون
- وزیر داخلہ کا کچے کے علاقے میں مشترکہ آپریشن کرنے کا فیصلہ
- فلسطین کواقوام متحدہ کی مکمل رکنیت دینے کا وقت آ گیا ہے، پاکستان
- مصباح الحق نے غیرملکی کوچز کی حمایت کردی
- پنجاب؛ کسانوں سے گندم سستی خرید کر گوداموں میں ذخیرہ کیے جانے کا انکشاف
- اسموگ تدارک کیس: ڈپٹی ڈائریکٹر ماحولیات لاہور، ڈپٹی ڈائریکٹر شیخوپورہ کو فوری تبدیل کرنیکا حکم
- سابق آسٹریلوی کرکٹر امریکی ٹیم کو ہیڈکوچ مقرر
- ہائی کورٹس کے چیف جسٹسز کے صوابدیدی اختیارات سپریم کورٹ میں چیلنج
- راولپنڈٰی میں بیک وقت 6 بچوں کی پیدائش
- سعودی معاون وزیر دفاع کی آرمی چیف سے ملاقات، باہمی دلچسپی کے امور پر گفتگو
- پختونخوا؛ دریاؤں میں سیلابی صورتحال، مقامی لوگوں اور انتظامیہ کو الرٹ جاری
- بھارت میں عام انتخابات کے پہلے مرحلے کا آغاز،21 ریاستوں میں ووٹنگ
- پاکستانی مصنوعات خریدیں، معیشت کو مستحکم بنائیں
انڈرانوائسنگ کی روک تھام،پاکستان اورچین آن لائن ڈیٹا لنک قائم کریں گے
اسلام آباد: پاکستان اور چین انڈرانوائسنگ کی روک تھام کے لیے درآمدات وبرآمدات کے ڈیٹا کی چیکنگ اورسرٹیفکیٹ آف اوریجن کی تصدیق کے لیے الیکٹرانک ڈیٹا انٹر چینج فیس لنک قائم کرنے پر متفق ہوگئے جس کے لیے مذاکرات کا پہلا دور کامیابی کے ساتھ مکمل ہوگیا۔
فیڈرل بورڈ آف ریونیو (ایف بی آر) کے سینئر افسر نے ’’ایکسپریس‘‘ کو بتایا کہ الیکٹرانک ڈیٹا انٹر چینج فیس لنک قائم کرنے کے حوالے سے مذاکرات کا اگلا دور پاکستان میں منعقد ہوگا جبکہ پہلا دور چین میں ہوا جس میں پاکستانی ٹیم کی قیادت پروجیکٹ ڈائریکٹر عبدالماجد یوسفانی نے کی۔ ذرائع نے بتایا کہ چینی کسٹمز اتھارٹیز نے پاکستان کے ساتھ آزاد تجارتی معاہدے کے تحت فضائی و زمینی راستے سے درآمدات و برآمدات کے بارے میں ڈیٹا شیئرنگ اور سرٹیفکیٹ آف اوریجن کی تصدیق کے لیے الیکٹرانک ڈیٹا انٹر چینج فیس لنک قائم کرنے پر اصولی اتفاق کرلیا ہے، البتہ اب طریقہ کار طے کیا جائے گا جس کے لیے چینی کسٹمز اتھارٹیز کا وفد جلد پاکستان کا دورہ کرے گا۔
ایف بی آرکے سینئر افسر نے بتایا کہ چین کے ساتھ آزاد تجارتی معاہدہ فیز ٹو پر بھی بات چیت جاری ہے اور ای ڈی آئی فیس لنک قائم کرنے کا معاملہ بھی ایف ٹی اے کے اسی مرحلے کا حصہ ہے کیونکہ موجودہ حکومت آزادتجارتی معاہدے کے صاف و شفاف استعمال کو یقینی بنانے کی حکمت عملی پر عمل پیرا ہے تاکہ دوست ممالک کے ساتھ آزاد تجارتی معاہدوں پر انکی اصل روح کے مطابق عملدرآمد ہوسکے اورغلط استعمال اور ڈیوٹی و ٹیکس چوری کو روکا جاسکے۔ ذرائع نے بتایا کہ چین سے درآمدات میں 2ارب ڈالر کی اسمگلنگ اور انڈر انوائسنگ کا انکشاف ہوا تھا جس کے لیے پاکستان تحقیقات کر رہا ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔