- ویسٹ انڈیز ویمن ٹیم کا پاکستان کو ون ڈے سیریز میں وائٹ واش
- کراچی میں ایرانی خاتون اول کی کتاب کی رونمائی، تقریب میں آصفہ بھٹو کی بھی شرکت
- پختونخوا سے پنجاب میں داخل ہونے والے دو دہشت گرد سی ٹی ڈی سے مقابلے میں ہلاک
- پاکستان میں مذہبی سیاحت کے وسیع امکانات موجود ہیں، آصف زرداری
- دنیا کی کوئی بھی طاقت پاک ایران تاریخی تعلقات کو متاثر نہیں کرسکتی، ایرانی صدر
- خیبرپختونخوا میں بلدیاتی نمائندوں کا اختیارات نہ ملنے پراحتجاج کا اعلان
- پشین؛ سیکیورٹی فورسز کی کارروائی میں3 دہشت گرد ہلاک، ایک زخمی حالت میں گرفتار
- لاپتہ کرنے والوں کا تعین بہت مشکل ہے، وزیراعلیٰ بلوچستان
- سائفر کیس میں بانی پی ٹی آئی کو سزا سنانے والے جج کے تبادلے کی سفارش
- فافن کی ضمنی انتخابات پر رپورٹ،‘ووٹوں کی گنتی بڑی حد تک مناسب طریقہ کار پر تھی’
- بلوچستان کے علاقے نانی مندر میں نایاب فارسی تیندوا دیکھا گیا
- اسلام آباد ہائیکورٹ کا عدالتی امور میں مداخلت پر ادارہ جاتی ردعمل دینے کا فیصلہ
- عوام کو ٹیکسز دینے پڑیں گے، اب اس کے بغیر گزارہ نہیں، وفاقی وزیرخزانہ
- امریکا نے ایران کیساتھ تجارتی معاہدے کرنے والوں کو خبردار کردیا
- قومی اسمبلی میں دوران اجلاس بجلی کا بریک ڈاؤن، ایوان تاریکی میں ڈوب گیا
- سوئی سدرن کے ہزاروں ملازمین کو ریگولرائز کرنے سے متعلق درخواستیں مسترد
- بہیمانہ قتل؛ بی جے پی رہنما کے بیٹے نے والدین اور بھائی کی سپاری دی تھی
- دوست کو گاڑی سے باندھ کر گاڑی چلانے کی ویڈیو وائرل، صارفین کی تنقید
- سائنس دانوں کا پانچ کروڑ سورج سے زیادہ طاقتور دھماکوں کا مشاہدہ
- چھوٹے بچوں کے ناخن باقاعدگی سے نہ کاٹنے کے نقصانات
ملک سے دہشت گردوں کا خاتمہ اب دور نہیں، صدر ممنون حسین
اسلام آباد: صدر ممنون حسین نے کہا ہے کہ دہشت گردی کے ناسور کے خلاف مسلح افواج اور قانون نافذ کرنے والے ادارے سر بکف ہیں اور سانحہ پشاور کے معصوم شہیدوں نے اپنی جانوں کی قربانی دے کر واضح کردیا کہ اس قوم کو شکست نہیں دی جاسکتی۔
اسلام آباد میں مسلح افواج کی پریڈ سے خطاب کے دوران صدر ممنون حسین نے کہا کہ شاندار پریڈ دیکھ کر ان کا سر فخر سے بلند ہوگیا، ان کا یقین پختہ ہوگیا کہ جو قوم متحد ہو اسے کوئی شکست نہیں دے سکتا۔ ہماری منزل ایک ایسا خوش حال، جمہوری، ترقی یافتہ، طاقتور اور جدید علوم سے آراستہ پاکستان ہے جس میں ہر شہری اپنے عقیدے کے مطابق آزادی سے زندگی گزار سکے اور ملک ہر قسم کے نسلی، علاقائی اور لسانی تعصب سے پاک ہو۔ ہماری قوم نے بے سرو سامانی کے عالم میں اپنا سفر شروع کیا او صرف 5 دہائیوں میں ایٹمی طاقت بن گیا، ہمارا تعلق اس قوم سے ہے جس نے ہرطرح کےمصائب کا بہادری سےسامنا کیا۔
صدرمملکت کا کہنا تھا کہ دہشت گردی کے ناسور کے خلاف ہماری مسلح افواج اور قانون نافذ کرنے والے ادارے سر بکف ہیں۔ وہ سانحہ پشاور کے معصوم شہیدوں کو بھی سلام پیش کرتے ہیں جنہوں نے اپنی جانوں کی قربانی دے کر دشمن پر یہ واضح کردیا کہ اس قوم کو شکست نہیں دی جاسکتی۔ دہشت گردی کے خلاف جنگ کے لئے قومی لائحہ عمل تشکیل دیا جاچکا ہے۔ ریاست کے تمام ادارے اور قوم یکجا ہے جو واضح کرتا ہے کہ دہشت گردی کا خاتمہ دور نہیں۔ انہوں نے کہا کہ ہم دنیا پر واضح کردینا چاہتے ہیں کہ پاکستان اپنے تمام پڑوسی ممالک سے برابری کی سطح پر امن اور دوستانہ تعلقات چاہتا ہے۔ ہم بھارت سے دوستی اور امن کے خواہش مند ہیں اور بات چیت کے ذریعے کشمیر سمیت تمام تصفیہ طلب معاملات کا حل چاہتے ہیں، مسئلہ کشمیر کو کشمیری عوام کی امنگوں کے مطابق اقوام متحدہ کی قراردادوں کے ذریعے حل ہونا چاہیے اور یہی حل علاقائی سلامتی اور خطے میں پائیدار امن کی واحد بنیاد ہے۔
صدرمملکت نے مزید کہا کہ پاکستان معاشی مسائل میں گھرا ہوا ہے جس کی وجہ بدعنوانی اور اپنے فرائض سے غفلت ہے لیکن وزیر اعظم نواز شریف اور ان کی حکومت کی ترجیحات درست ہیں، قوم کے ہر فرد کی ذمہ داری ہے حکومت کی مثبت پالیسیوں کو کامیاب بنانے کے لئے صدق دل سے معاونت کریں۔ پاکستان کی سرحدی حدود بڑھ کر 350 ناٹیکل میل ہوگئی ہیں۔ پاکستان خطے کا پہلا ملک ہے جس کی سمندری حدود میں اضافہ ہوا۔ جس پر وہ قوم کو مبارک باد پیش کرتے ہیں۔ انہیں یقین ہے کہ مسلح افواج کی پریڈ میں شریک جوانوں کے عزم و ہمت اور ان کے سامان حرب سے دشمن کی آنکھیں چندھیا جائیں گی اور سبز ہلالی پرچم ہمیشہ سربلند رہے گا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔