خیبرایجنسی سے ملحقہ افغان علاقے میں ڈرون حملہ، 9 دہشت گرد ہلاک

کابل: افغان سرحدی علاقے نازیان میں امریکی ڈرون حملے میں 9 دہشت گرد ہلاک ہو گئے۔ 

افغان سیکیورٹی حکام کے مطابق خیبر ایجنسی سے ملحقہ علاقے نازیان میں امریکی ڈرون طیاروں نے دہشت گردوں کے 2 ٹھکانوں کو نشانہ بنایا جس کے نتیجے میں 9 دہشت گرد ہلاک ہوگئے۔ ہلاک ہونے والوں میں کالعدم لشکر اسلام کے امیر منگل باغ کے ڈرائیور سمیت 7 اہم کمانڈرز بھی شامل ہیں.

واضح رہے کہ شمالی وزیرستان اور خیبر ایجنسی میں آپریشن کے باعث دہشت گردوں کی بڑی تعداد افغانستان فرار ہوگئی ہے۔