’’حیدر‘‘ اور ’’کوئن‘‘ نے بھارتی نیشنل فلم ایوارڈز کا میلہ لوٹ لیا

ممبئی: شاہد کپور کی ’’حیدر‘‘ اور کنگنا رناوت کی ’’کوئن‘‘ نے بھارتی نیشنل فلم ایوارڈز 2015 کا میلہ لوٹ لیا۔  

بھارتی میڈیا کے مطابق 62 ویں سالانہ نیشنل فلم ایوارڈز کا باضابطہ اعلان ایک پریس کانفرنس میں کیا گیا جس میں فلم “حیدر” کوبہترین موسیقی، موسیقار، کوریوگرافی، ملبوسات اور ڈائیلاگ کے ایوارڈز کا مستحق قرار دیا گیا جب کہ کنگنا رناوت کو ان کی فلم ’ کوئن‘ میں اداکاری پر بہترین اداکارہ جب کہ فلم کو بہترین فلم کا ایوارڈ دیا گیا ہے۔

بالی ووڈ کی کامیاب فلم ’میری کوم‘ کو تفریح سے بھرپور فلم کا اعزازدیا گیا ہے جبکہ بہترین مرد اداکار کا ایوارڈ جنوبی ریاست کرناٹک میں بولی جانے والی کننڑا زبان کی فلموں کے ہیرو وجے کو ’نانو اونالو اولو‘ فلم کے لیے دیا گيا ہے۔