تمام سرکاری دفاتر کی صفائی کیلئے گائے کا پیشاب استعمال کیا جائے، بھارتی وزیر

ویب ڈیسک  بدھ 25 مارچ 2015
وزرا سرکاری دفاترمیں گائے کے پیشاب سے بنے فینائل کے استعمال کو ترجیح دیں،مانیکا گاندھی فوٹو:فائل

وزرا سرکاری دفاترمیں گائے کے پیشاب سے بنے فینائل کے استعمال کو ترجیح دیں،مانیکا گاندھی فوٹو:فائل

نئی دہلی: بھارتی وزیرمملکت  مانیکا گاندھی نے وزرا سے اپیل کی ہے کہ وہ سرکاری دفاتر کی صفائی کے لئے فینائل کی جگہ گائے کے پیشاب سے بنے کیمیکل کا استعمال کریں۔

بھارتی میڈیا رپورٹس کے مطابق مانیکا گاندھی نے نے تمام وزرا کو ارسال کردہ خط میں کہا ہے کہ سرکاری دفاتر کی صفائی کے لئے گائے کے پیشاب سے بنے فینائل کا استعمال یقینی بنائیں کیوں کہ  دفاترکی صفائی کے لئے استعمال کیا جانے والا فینائل ماحول دوست نہیں جب کہ گائے کے پیشاب سے تیار کردہ فینائل ماحول دوست ہونے کے ساتھ سستا بھی ہے۔ انہوں نے کہا کہ گائے کے پیشاب سے  تیار کردہ فینائل مارکیٹ میں باآسانی دستیاب ہے اس لئے تمام وزرا سے اپیل ہے کہ وہ  سرکاری دفاترمیں گائے کے پیشاب سے بنے فینائل کے استعمال کو ترجیح دیں۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔