لڑائی کے دوران بیوی نے شوہر کو سینڈل ایسی ماری جو سر میں ہی جا گھسی

ویب ڈیسک  جمعرات 2 اپريل 2015
سر سے سینڈل نکالنے کے لئے سرجری کرنی پڑے گی، ڈاکٹرز

سر سے سینڈل نکالنے کے لئے سرجری کرنی پڑے گی، ڈاکٹرز

ریاض: کسی نے سچ کہا ہے کہ اگر میاں بیوی کے درمیان خوشگوار تعلق قائم ہو تو گھر جنت بن جاتا ہے لیکن اگر دونوں میں بات نہ بن پائے تو پھر گھر جہنم میں بھی بدلتے دیر نہیں لگتی  لیکن کوئی  زخمی ہو کر اسپتال  پہنچ جائے تو ایسا ہی کچھ ہوا سعودی عرب میں جہاں لڑائی کے دوران بیوی نے اپنی اونچی ہیل والی سینڈل شوہر کوایسی ماری کہ اس کے سر میں ہی پیوست ہوگئی۔

سعودی عرب کے شہر جوبالی میں رہنے والے ان دونوں میاں اور بیوی کے تعلقات خوشگوار نہ تھے جس کے باعث ان کے درمیان  اکثر جھگڑا رہتا تھا اور یہ جھگڑا کبھی کبھار  ہاتھا پائی تک بھی پہنچ جاتا لیکن ایک دن تو حد ہوگئی حسب معمول میاں بیوی کے درمیان جھگڑا شروع ہوا تو اس دوران بیگم صاحبہ نے شوہر نامدار کو سینڈل رسید کر ڈالی، اتفاق سے  شوہر بے چارا گنجا  تھا اس لیے بیوی کی سینڈل کی ہیل اس کے سر میں گھس گئی جس سے وہ خون میں لت پت ہوکر اسپتال جاپہنچا۔

زخمی شوہر کو جب اسپتال منتقل کیا گیا تو ڈاکٹرز اسے دیکھ کر حیرت زدہ رہ گئے اوران کا کہنا تھا کہ انہوں نے اپنی طبی زندگی کے دوران اس طرح کا کیس نہیں دیکھا جب کہ مریض کی حالت تشویشناک ہے اورسر سے سینڈل نکالنے کے لئے سرجری کرنی پڑے گی۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔