- متحدہ عرب امارات کی مارکیٹ میں پاکستانی گوشت کی طلب بڑھ گئی
- زرمبادلہ کے ذخائر میں گزشتہ ہفتے 9 کروڑ 30 لاکھ ڈالر کی کمی
- فوج سے کوئی اختلاف نہیں، ملک ایجنسیز کے بغیر نہیں چلتے، سربراہ اپوزیشن گرینڈ الائنس
- ملک کے ساتھ بہت تماشا ہوگیا، اب نہیں ہونے دیں گے، فیصل واوڈا
- اگر حق نہ دیا تو حکومت گرا کر اسلام آباد پر قبضہ کرلیں گے، علی امین گنڈاپور
- ڈالر کی انٹر بینک قیمت میں اضافہ، اوپن مارکیٹ میں قدر گھٹ گئی
- قومی اسمبلی: خواتین ارکان پر نازیبا جملے کسنے کیخلاف مذمتی قرارداد منظور
- پاکستان نے انسانی حقوق سے متعلق امریکی ’متعصبانہ‘ رپورٹ کو مسترد کردیا
- جب سے چیف جسٹس بنا کسی جج نے مداخلت کی شکایت نہیں کی، قاضی فائز عیسیٰ
- چوتھا ٹی ٹوئنٹی: پاکستان کا نیوزی لینڈ کے خلاف ٹاس جیت کر فیلڈنگ کا فیصلہ
- سائفر کیس؛ مقدمہ درج ہوا تو سائفر دیگر لوگوں نے بھی واپس نہیں کیا تھا، اسلام آباد ہائیکورٹ
- ضلع خیبرمیں سیکیورٹی فورسز کی کارروائی میں تین دہشت گرد ہلاک، دو ٹھکانے تباہ
- عمران خان کی سعودی عرب سے متعلق بیان پر شیر افضل مروت کی سرزنش
- چین: ماڈلنگ کی دنیا میں قدم رکھنے والا 88 سالہ شہری
- یوٹیوب اپ ڈیٹ سے صارفین مسائل کا شکار
- بدلتا موسم مزدوروں میں ذہنی صحت کے مسائل کا سبب قرار
- چیف جسٹس قاضی فائزعیسیٰ نے پروٹوکول واپس کردیا، صرف دو گاڑیاں رہ گئیں
- غزہ کی اجتماعی قبروں میں فلسطینیوں کو زندہ دفن کرنے کا انکشاف
- اسمگلنگ کا قلع قمع کرکے خطے کو امن کا گہوارہ بنائیں گے ، شہباز شریف
- پاکستان میں دراندازی کیلیے طالبان نے مکمل مدد فراہم کی، گرفتار افغان دہشتگرد کا انکشاف
مووی ریویو؛ گبر از بیک
بھارت اگرچہ دنیا کا سب بڑا جمہوری ملک ہے مگر اس کے ساتھ ہی وہاں حالیہ چند برسوں میں جن معاشرتی برائیوں کے خلاف آواز اٹھائی گئی ہے اس میں کرپشن سرفہرست ہے اور جناب انا ہزارے کا احتجاج بھی اسی کرپشن کے خلاف تھا جبکہ یہ بھی ایک مانی ہوئی حقیقت ہے کہ اکثر بالی ووڈ میں بنائی جانے والی فلمیں انہیں معاشرتی برائیوں کے ارد گرد گھومتی ہیں اور مزے کی بات تو یہ ہے کہ ایسی فلمیں عوام میں بے حد مقبول ہوتی ہیں جو معاشرے میں ہونے والی زیادتیوں اور نا انصافیوں پر روشنی ڈالتی ہیں۔
#GabbarIsBack is nice movie enjoed movie with @itsAdiakshay
— कट्टर भाईजान फैन (@HereForSalman) May 3, 2015
اسی طرح بالی ووڈ میں خطروں کے کھلاڑی کے نام سے شہرت کی بلندیوں کو چھونے والے اداکار اکشے کمار کی 30 اپریل کو ریلز ہونے والی فلم ’گبر از بیک‘ نے باکس آفس میں پہلے ہی دن 13 کروڑ کا بزنس کرکے سب کو حیران کر دیا اور یوں یہ رواں سال اوپننگ ڈے پر سب سے زیادہ بزنس کرنے والی فلم بن گئی ہے۔ یہ فلم ایکشن سے بھر پور ہے اور تھوڑا بہت رومانس بھی ہے۔
اس فلم کی خا ص بات ایک عام آدمی کی جانب سے کرپٹ اور کرپشن کے خلاف جدوجہد کرنا اور پھر اُس کا صفایا کرنا ہے کیونکہ ہمارے معاشروں میں درحقیقت اس طرح کا کام ایک مضبوط حکومت کے لئے بھی کرنا مشکل ہوتا ہے۔ فلم میں دکھایا گیا ہے کہ لوگ محض گبر کے خوف سے اپنا کام ایمانداری سے کرنا شروع کر دیتے ہیں اور رشوت خور رشوت لینے سے بھی ڈرتے ہیں۔ جی ہاں اس فلم کا اہم کردار گبر ہی ہے جس کو اکشے کمار نے نہایت ہی خوبصورتی سے سر انجام دیا ہے۔
Watched #Gabbar ! Its one f d best muvi i've seen in a while.The pace is taut & natration engaging. Akshay is simply fab #GabbarIsBack
— Rajni Pandey (@Rajni3010) May 3, 2015
اِس فلم میں نوجوان نسل یعنی طالب علموں کا کردار بھی بڑا اہم دکھایا گیا ہے۔ بظاہر اکشے کمار کو ایک کالج پروفیسر کے روپ میں دکھایا گیا ہے جس کا نام ’ادتیا راج‘ ہوتا ہے۔ حقیقت میں وہی گبر ہوتا ہے جو مظلوموں کی آواز اور ظالموں اور بدعنوان لوگوں کے لیے گلے کی ہڈی بن جاتا ہے۔
اصل میں یہ فلم ایک سادہ اور ایماندار کالج پروفیسر کی ہے جو ہنسی خوشی اپنی زندگی گزار رہا ہو تا ہے، کرینہ کپور جو اس کی بیوی کا کردار ادا کر رہی ہوتی ہے لیکن اچانک جس عمارت میں وہ رہائش پذیر تھے وہ عمارت منہدم ہوجاتی ہے جس میں پروفیسر صاحب کی بیوی سمیت 200 افراد ہلاک ہوجاتے ہیں۔ پروفیسر صاحب اس حادثے کا بھول نہیں پاتے اور اس واقع کی اصل تہہ تک پہنچ جاتے ہیں کہ کون کون سے لوگ اس حادثے کے ذمہ دار ہیں۔ ان کے پاس سارے ثبوت بھی ہوتے ہیں مگر وہ کرپٹ نظام میں بے بس نظر آتے ہیں۔ اب پروفیسر صاحب اِس بے بسی کی حالت میں کیا کرتے ہیں یہ تو آپ کو فلم دیکھنے کے بعد ہی معلوم ہوسکے گا۔
گبر از بیک میں دکھایا جاتا ہے کہ کس طرح معاشرے کے ناسور سرکاری دفاتر، ہسپتالوں اور پولیس اسٹیشن میں بیٹھ کر عوام کی خدمت کے نام پر ان لوٹ کھسوٹ کرتے ہیں۔ لوگ سب کچھ دیکھنے کے باوجود بے بس نظر آتے ہیں اوران سب ناانصافیوں کے خلاف آواز اُٹھانے کی جسارت تک نہیں کرتے۔ لیکن اِس نااُمیدی کے دور میں اچانک جب گبر اپنا کام شروع کرتا ہے تو وہ لوگوں کے دلوں کی آواز بن جاتا ہے۔ اِس کو عام آدمی کی تائید حاصل ہوجاتی ہے اور پھر معاشرے میں اچانک ایک تبدیلی سی نظر آتی ہے۔
With #GabbarIsBack happy days are back again for Bollywood. Off to a lovely start in single-screen cinemas. Multiplexes also open well.
— Komal Nahta (@KomalNahta) May 1, 2015
اس فلم میں وہ موقع بھی آتا ہے جب ایک کرپٹ آفسر کی بیوی اور بیٹا اس آفسر کی حمایت کرنے کے بجائے گبر کا ساتھ دیتے ہیں لیکن پھر اِس کے بعد کیا ہوتا ہے یہ دلچسپی کا حامل ہے۔
اگرچہ اس فلم میں روایتی الفاظ کا ہیر پھیر تھا۔ وہی ذاتی انتقام کی آگ اور وہی ہیرو کا اپنی محبوبہ سے محبت۔ مگر ان سب کے باوجود جو اس فلم کی خاص بات تھی وہ ایک عام آدمی کے اندر رشوت خوری اور بدعنوانی کے خلاف نفرت کو بیدار کرنا ہے اور معاشرے میں نوجوانوں کے کردار کی اہمیت کو دکھایا گیا ہے۔
نوٹ: ایکسپریس نیوز اور اس کی پالیسی کا اس بلاگر کے خیالات سے متفق ہونا ضروری نہیں ہے۔
اگر آپ بھی ہمارے لیے اردو بلاگ لکھنا چاہتے ہیں تو قلم اٹھائیے اور 500 سے 800 الفاظ پر مشتمل تحریر اپنی تصویر، مکمل نام، فون نمبر ، فیس بک اور ٹویٹر آئی ڈیز اوراپنے مختصر مگر جامع تعارف کے ساتھ [email protected] پر ای میل کریں۔ بلاگ کے ساتھ تصاویر اورویڈیو لنکس بھی
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔