- وزیراعظم کا اسمگلنگ کے خاتمے کے لیے ملک گیر مہم تیز کرنے کا حکم
- جی-7 وزرائے خارجہ کا اجلاس؛ غزہ میں جنگ بندی کا مطالبہ
- پنڈی اسٹیڈیم میں بارش؛ بھارت نے چیمپیئنز ٹرافی کی میزبانی پر سوال اٹھادیا
- اس سال ہم بھی حج کی نگرانی کرینگے شکایت ملی تو حکام کو نہیں چھوڑیں گے، اسلام آباد ہائیکورٹ
- بشریٰ بی بی کو کھانے میں ٹائلٹ کلینر ملا کر دیا گیا، عمران خان
- عمران خان اور بشریٰ بی بی کی درخواستیں منظور، طبی معائنہ کروانے کا حکم
- حملے میں کوئی نقصان نہیں ہوا، تمام ڈرونز مار گرائے؛ ایران
- 25 برس مکمل، علیم ڈار دنیائے کرکٹ کے پہلے امپائر بن گئے
- قومی اسمبلی: جمشید دستی اور اقبال خان کے ایوان میں داخلے پر پابندی
- کراچی میں غیرملکیوں کی گاڑی پر حملہ، خودکش بمبار کی شناخت
- مولانا فضل الرحمٰن کو احتجاج کرنا ہے تو کے پی میں کریں ، بلاول بھٹو زرداری
- کراٹے کمبیٹ 45؛ شاہ زیب رند نے ’’بھارتی کپتان‘‘ کو تھپڑ دے مارا
- بلوچستان کابینہ کے 14 وزراء نے حلف اٹھا لیا
- کینیا؛ ہیلی کاپٹر حادثے میں آرمی چیف سمیت 10 افسران ہلاک
- قومی و صوبائی اسمبلی کی 21 نشستوں کیلیے ضمنی انتخابات21 اپریل کو ہوں گے
- انٹرنیٹ بندش کا اتنا نقصان نہیں ہوتا مگر واویلا مچا دیا جاتا ہے، وزیر مملکت
- پی ٹی آئی کی لیاقت باغ میں جلسہ کی درخواست مسترد
- پشاور میں صحت کارڈ پر دوائیں نہ ملنے کا معاملہ؛ 15 ڈاکٹرز معطل
- پہلا ٹی20؛ عماد کو پلئینگ الیون میں کیوں شامل نہیں کیا؟ سابق کرکٹرز کی تنقید
- 9 مئی کیسز؛ فواد چوہدری کی 14 مقدمات میں عبوری ضمانت منظور
ملک بھر سے دشمن ایجنسیوں کے 140 جاسوس گرفتار
اسلام آباد: دہشت گردی کے خاتمے کے لیے بنائے گئے قومی ایکشن پلان کے تحت ملک بھر سے 30 ہزار کے قریب مشتبہ افراد کو گرفتار کیا گیا ہے، ان میں 140 افراد ایسے بھی ہیں جو دشمن خفیہ ایجنسیوں کی معاونت کر رہے تھے۔ ان جاسوسوں کو بلوچستان، کراچی اور قبائلی علاقے سے حراست میں لیا گیا۔
وزارت داخلہ کے سینئر افسر نے نام ظاہر نہ کرنے کی شرط پر ایکسپریس ٹریبیون کو بتایا کہ دشمن ایجنسیوں کے جاسوسوں کو کراچی، بلوچستان اور قبائلی علاقے سے حراست میں لیا گیا ہے۔ مجموعی طور پر 16813 افراد کو خیبرپختونخوا، 5720 کو سندھ، 2650 افراد کو پنجاب، 3466 کو بلوچستان، 747 کو اسلام آباد، 9 کو آزاد کشمیر، 28 کو گلگت بلتستان اور 179 افراد کو قبائلی علاقے سے گرفتار کیا گیا ہے جبکہ یہ گرفتاریاں خفیہ اداروں کی جانب سے مرتب کی گئی 742 رپورٹس کی بنیاد پر کی گئیں۔
وفاقی کابینہ کے ایک سینیئر رکن نے ایکسپریس ٹریبیون کو بتایا کہ دشمن خفیہ ایجنسیوں کی کارروائیوں کو روکنے کے لیے انٹیلی جنس آپریٹنگ سسٹم کو بہتر بنانے اور معاملے کو عالمی سطح پر اٹھانے پر غور کیا جا رہا ہے۔ وفاقی وزیر نے بتایا کہ غیرملکی اداروں کے ناپسندیدہ آپریشنز روکنے کے لیے قانون کا سہارا لینے پر بھی غور ہو رہا ہے۔ ایک وزیر نے بتایا ہے کہ ان دنوں وزیراعظم نواز شریف اپنے سینئر وزرا سے مشاورت کر رہے ہیں کہ کیسے دوست ملکوں سے رابطہ کرکے معاملہ سلامتی کونسل سمیت عالمی فورمز پر اٹھا جائے جبکہ دفتر خارجہ کو ہدایت کردی گئی ہے کہ پاکستان میں مداخلت کرنے والے ممالک پر سفارتی دباؤ ڈالنے کیلیے دوست ممالک سے رابطے کیے جائیں۔ انھوں نے بتایا کہ اجلاس میں ملٹری انٹیلی جنس اور انٹیلی جنس بیورو کا کردار بھی زیربحث آیا ہے۔ وفاقی وزارت داخلہ کے ذرائع کا کہنا ہے کہ چوہدری نثار علی خان رواں ہفتے کراچی کا دورہ کرینگے جہاں کور کمانڈر نوید مختار، ڈی جی رینجرز میجر جنرل بلال اکبر اور صوبائی محکمہ داخلہ انھیں جاری آپریشن کے حوالے سے بریفنگ دیں گے۔
یاد رہے کہ 2روز قبل چیف آف آرمی اسٹاف جنرل راحیل شریف نے آئی ایس آئی ہیڈکوارٹرز کے دورے کے موقع پر کہا تھا کہ پاکستان کو عدم استحکام سے دوچار کرنے والی دشمن خفیہ ایجنسیوں کیخلاف کارروائی کی جائے۔ اسی دوران وزیر دفاع خواجہ آصف نے بھی بیان دیا تھا کہ بھارت پاکستان میں دہشت گردی کو ہوا دے رہا ہے۔ رواں ماہ کے شروع میں بھی فوجی قیادت کی جانب سے کہا گیا تھا کہ بھارت افغانستان کے راستے پاکستان میں دہشتگردی کو ہوا دے رہا ہے جبکہ اس کے بعد پاکستان کی فوجی و سیاسی قیادت نے اپنے دورہ کابل کے دوران یہ معاملہ افغان حکام سے اٹھایا تھا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔