بھارتی فلم انڈسٹری کے دولت مند اداکار

ویب ڈیسک  پير 1 جون 2015
 شاہ رخ خان  60 کروڑ ڈالر جب کہ امیتابھ بچن 40 کروڑ ڈالر کے اثاثون کے مالک ہیں  فوٹو: فائل

 شاہ رخ خان 60 کروڑ ڈالر جب کہ امیتابھ بچن 40 کروڑ ڈالر کے اثاثون کے مالک ہیں فوٹو: فائل

ممبئی: بھارتی فلم انڈسٹری کو دنیا بھر میں ممتاز مقام حاصل ہے اسی لیے بالی ووڈ کی جگمگاتی اور گلیمر سے بھرپور دنیا کے اسٹارزکروڑوں دلوں پر راج کرتے ہیں۔ فلمی دنیا میں دولت اور شہرت حاصل کرنا ہر اداکار کی خواہش  ہے اور یہ مقام حاصل کرنے کے لئےاپنا خون پسینہ ایک کرنا پڑتا ہے۔ بھارتی فلم انڈسٹری کے کئی نامور اداکاروں کا شہرت کے ساتھ ساتھ دولت کمانے میں بھی کوئی ثانی نہیں ہے ان پر قسمت ایسی مہربان ہوئی کہ ان میں سے کئی نے دولت کے بیش بہا خزانے جمع کرلیے۔

شاہ رخ خان

http://www.express.pk/wp-content/uploads/2015/06/01-shahrukh-khannnnnnnnnn.jpg

بھارتی فلم انڈسٹری کے کنگ اور رومانوی ہیروشاہ رخ خان کا نام کسی تعارف کا محتاج نہیں ہے۔  بالی ووڈ کے کنگ خان  اداکاری اور شہرت کے ساتھ ساتھ دولت کمانے میں بھی سب سے آگے ہیں۔ کنگ خان کی فلمیں باکس آفس پر ریکارڈ بزنس کرتے ہوئے  کروڑوں روپے کماتی ہیں جن سے ان کو کافی  آمدنی حاصل ہوتی ہے جب کہ وہ انڈین پریمئیرلیگ میں ایک فرنچائز کے مالک ہیں اورایک پروڈکشن ہاؤس بھی ان کی ملکیت میں ہےاس کے علاوہ  انہوں نے دنیا بھر میں مختلف کاروبار میں سرمایہ کاری کی ہے۔ شاہ رخ خان کو گزشتہ سال  دنیا کا دوسرا امیر ترین اداکار قراردیا گیا جس کے مطابق  ان  کی  دولت کا کل تخمینہ 60 کروڑ ڈالر سے زائد ہے۔

امیتابھ بچن

http://www.express.pk/wp-content/uploads/2015/06/02-amitabhhhh.jpg

بالی ووڈ کے میگا اسٹارامیتابھ بچن بھی اداکاری کے ساتھ ساتھ دولت کمانے میں کسی سے کم نہیں ہیں۔بالی ووڈ پر راج کرنے والے امیتابھ بچن نے بھارتی فلم انڈسٹری کوکئی ایک کامیاب فلمیں دیں ہیں۔ اداکاری کے ساتھ ساتھ انہوں نے ٹی وی  پروگرام’’کون بنے گا کروڑ پتی ‘‘ میں بھی میزبانی کے جوہر دکھائے ہیں۔ بالی ووڈ کے بگ بی کو بھارتی فلم انڈسٹری کے دوسرے امیر ترین ادکار ہیں ،ان  کی دولت کا تخمینہ 40 کروڑ ڈالر سے زائد ہے جب کہ انہوں نے دنیابھر میں سرمایہ کاری کی ہوئی ہے جس سے ان کی آمدنی میں مسلسل اضافہ ہورہا ہے۔

سلمان خان

 http://www.express.pk/wp-content/uploads/2015/06/03-salmannnnnn-khannnn.jpg

بالی ووڈ کے دبنگ سپر اسٹار سلمان خان کا شمار بھی بالی ووڈ کے امیر ترین اداکاروں میں ہوتا ہے۔ سلمان خان  کے بھائیوں نے اپنا پروڈکشن ہاؤس بھی قائم کیا ہواہے جس کے بینرتلے بننے والی فلموں سے بھی انہیں اچھی خاصی آمدنی حاصل ہوتی ہے جب کہ سلو بھائی اشتہارات میں کام کرنے کا معاوضہ 7 کروڑ روپے سے زیادہ طلب کرتے ہیں جس  سے انہیں کافی منافع ہوتاہے۔ سلمان خان  اپنی آمدنی کا زیادہ ترحصہ فلاحی کاموں میں خرچ کرتے ہیں جب کہ ان کے اثاثوں کا تخمینہ تقریبا 20 کروڑ ڈالر سے زائدہے ۔

عامر خان

 http://www.express.pk/wp-content/uploads/2015/06/04-aaamirrrrr-khannn.jpg

بالی ووڈ کے مسٹرپر فیکشنسٹ عامر خان بھارتی فلم انڈسٹری میں منفرد مقام رکھتے ہیں۔ فلموں میں اپنے کردار سے انصاف کرنے کے حوالے سے مشہور عامر خان دولت اور شہرت میں بھی کسی سے کم نہیں ہیں۔عامر خان نے اپناذاتی پروڈکشن ہاؤس قائم کررکھا ہے جس کے بینر تلے ان کی فلمیں بنائی جاتی ہیں جب کہ عامر خان فلموں کا سب سے زیادہ معاوضہ طلب کرتے ہیں اور اس کے ساتھ ساتھ فلم کے منافع  میں بھی حصہ دار ہوتے ہیں۔مسٹر پرفیکٹ بالی ووڈ کےامیر ترین اداکار ہیں جن کے اثاثوں کی مالیت 18 کروڑ ڈالرسے زائد ہے۔

اکشے کمار

http://www.express.pk/wp-content/uploads/2015/06/05-akshay.jpg

بھارتی فلم انڈسٹری  کے خطروں کے کھلاڑی  اکشے کمار اداکاری کے ساتھ ساتھ پروڈکشن ہاؤس بھی چلارہے ہیں جب کہ ان کا شمار بھی بالی ووڈ کے امیر اداکاروں میں ہوتا ہے۔ بالی ووڈ کو کئی کامیاب بلاک بسٹر فلمیں دینے والے اکشے کمار فلموں کے علاوہ پروڈکشن ہاؤس سے بھی کافی آمدنی حاصل کرتے ہیں اور ان کے اثاثے 10 کروڑڈالر سے زائد ہیں۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔