رینجرز کاٹارگٹڈ آپریشن 39جرائم پیشہ گرفتار

سندھ رینجرز نے شہر کے15 مختلف مقامات پر ٹارگٹڈ آپریشن اور اسنیپ چیکنگ کے دوران 39 جرائم پیشہ اور سماج دشمن ملزمان کو گرفتار کرلیا۔ فوٹو: فائل

---

سندھ رینجرز نے شہر کے مختلف علاقوں میں ٹارگٹڈ آپریشن اور اسنیپ چیکنگ کے دوران 39جرائم پیشہ اور سماج دشمن عناصر کوگر فتار کرلیا.

سماج دشمن عناصر کے قبضے سے بھاری تعداد میں مختلف اقسام کا اسلحہ، گولیاں اور منشیات بھی برآمد ہوئی ہے۔

تفصیلات کے مطابق سندھ رینجرز نے جمعہ اور ہفتہ کی درمیانی شب کٹی پہاڑی ، لانڈھی، ملیر، نیوکراچی، شاہ فیصل کالونی اور محمود آباد سمیت شہر کے15مختلف مقامات پر ٹارگٹڈ آپریشن اور اسنیپ چیکنگ کے دوران39جرائم پیشہ اور سماج دشمن ملزمان کو گرفتار کر لیا۔