مشیر مالیات کے ایم سی کے پاس 2عہدے بلدیاتی امورمتاثر

برکات رضوی کوبلدیہ عظمیٰ حیدرآبادکا ایڈمنسٹریٹربھی تعینات کردیا گیا ہے

---

کراچی میٹروپولیٹن کارپوریشن میں مشیرمالیات کو بلدیہ عظمیٰ حیدرآباد کے ایڈمنسٹریٹر کا اضافی چارج دیے جانے کے باعث

بلدیہ عظمیٰ کراچی اور حیدرآباد دونوںکے کام بری طرح متاثر ہورہے ہیں جبکہ خاص طور پر بلدیہ عظمیٰ کراچی کا فنانس ڈپارٹمنٹ تو رفتہ رفتہ عضو معطل بنتا جارہا ہے مگر حیرت انگیز طور پرکسی سطح پر اس بات کا کوئی نوٹس نہیں لیا جارہا ہے۔

ذرائع نے بتایا کہ بلدیہ عظمیٰ کے مشیر مالیات برکات رضوی کو بلدیہ عظمیٰ حیدرآباد کا ایڈمنسٹریٹر تعنیات کردیا گیا تاہم ان کا مشیرمالیات کے عہدے سے تبادلہ نہیں کیا گیا،ذرائع نے بتایا کہ اس صورتحال کے باعث بڑی دلچسپ اورمضحکہ خیزصورتحال پیدا ہوگئی ہے کراچی کی بلدیہ عظمیٰ کا مشیرمالیات حیدرآباد کی بلدیہ عظمیٰ کا ایڈمنسٹریٹر بھی ہے،ذرائع نے بتایا کہ ایسا لگتا ہے کہ بلدیہ عظمیٰ کراچی کے ساتھ انتہائی سنگین اور شرمناک مذاق کیا جارہا ہے۔