کوئٹہ اور جعفرایکسپریس ڈیڑھ ماہ بعد بحال کر دی گئیں

انجن نہ ہونیکی وجہ سے 15 اپ کراچی ایکسپریس اور 17 اپ ملت ایکسپریس کوجوڑ کر چلایا گیا۔ فوٹو: فائل

---

کوئٹہ اور جعفر ایکسپریس 1ماہ 18 دن بعد بحال کردی گئی ہیں، دوسری طرف ملک بھر میں ریل گاڑیوں کی آمدورفت میں تاخیر کا سلسلہ جاری ہے۔

فیصل آباد ، پشاور،کراچی اور راولپنڈی جانے والی ٹرینیں تاخیر کا شکاررہیں، اسی طرح مین لائنوں پر ٹرینوں کی روانگی بھی وقت پر نہ ہوسکی، انجن نہ ہونے کی وجہ سے، نارووال، قصور ، شورکوٹ اورجڑانوالہ جانیوالی ریل گاڑیاں منسوخ کر دی گئیں، اے پی پی کے مطابق جیکب آباد اور سبی میں سیلاب کی وجہ سے راولپنڈی تا کوئٹہ کے مابین ایک ماہ بند رہنے والی کوئٹہ ایکسپریس آج دوبارہ شروع کی جائے گی،ڈویثرنل سپرنٹنڈنٹ سید منور شاہ نے بتا یا کہ جعفر ایکسپریس ٹرین 13 ستمبر کو سیلاب کی وجہ سے بند کی گئی تھی۔

جعفر ایکسپریس آج راولپنڈی ریلوے اسٹیشن سے صبح 10 بجکر 45 منٹ پر روانہ ہو گی جبکہ کوئٹہ سے جعفر ایکسپریس شام 6 بجے راولپنڈی پہنچے گی،ملتان سے نمائندے کے مطابق انجن نہ ہونے کی وجہ سے 15 اپ کراچی ایکسپریس اور 17 اپ ملت ایکسپریس کو جوڑ کر چلایا گیا دونوں ٹرینیں مقررہ وقت سے ساڑھے 3 گھنٹے تاخیر سے ملتان پہنچیں، اس کے علاوہ باقی گاڑیاں بھی ایک سے پانچ گھنٹے لیٹ تھیں۔