- پی او بی ٹرسٹ عالمی سطح پر ساڑھے 3لاکھ افراد کی بینائی ضائع ہونے سے بچا چکا ہے
- ایف بی آر نے ایک آئی ٹی کمپنی کی ٹیکس ہیرا پھیری کا سراغ لگا لیا
- سیاسی نظریات کی نشان دہی کرنے والا اے آئی الگوردم
- خاتون ڈاکٹرز سے علاج کرانے والی خواتین میں موت کا خطرہ کم ہوتا ہے، تحقیق
- برطانیہ میں ایک فلیٹ اپنے انوکھے ڈیزائن کی وجہ سے وائرل
- فیصل واوڈا نے عدالتی نظام پر اہم سوالات اٹھا دیئے
- پاکستان کو آئی ایم ایف سے قرض کی نئی قسط 29 اپریل تک ملنے کا امکان
- امریکی اکیڈمی آف نیورولوجی نے پاکستانی پروفیسر کو ایڈووکیٹ آف دی ایئر ایوارڈ سے نواز دیا
- کوہلو میں خراب سیکیورٹی کے باعث ری پولنگ نہیں ہوسکی
- 9 ماہ کے دوران 9.8 ارب ڈالر کا قرض ملا، وزارت اقتصادی امور ڈویژن
- نارووال: بارات میں موبائل فونز سمیت قیمتی تحائف کی بارش
- کراچی کے مختلف علاقوں میں زلزلے کے جھٹکے
- کوئٹہ: برلن بڈی بیئر چوری کے خدشے کے پیش نظر متبادل جگہ منتقل
- گجرات میں اسپتال کی چھت گرنے سے خاتون سمیت تین افراد جاں بحق
- سعودی فرمانروا طبی معائنے کیلیے اسپتال میں داخل
- امریکی سیکریٹری اسٹیٹ سرکاری دورے پر چین پہنچ گئے
- ہم یہاں اچھی کرکٹ کھیلنے آئے ہیں، جیت سے اعتماد ملا، مائیکل بریسویل
- پچھلے میچ کی غلطیوں سے سیکھ کر سیریز جیتنے کی کوشش کرینگے، بابراعظم
- امریکا میں ٹک ٹاک پر پابندی کا بل سینیٹ سے بھی منظور
- رضوان اور عرفان خان کو کیویز کیخلاف آخری 2 میچز میں آرام دینے کا فیصلہ
پاکستان و قازقستان تجارت، توانائی اورعسکری شعبوں میں تعاون پر متفق
آستانہ: پاکستان اور قازقستان نے تجارت، معیشت، توانائی، سائنس و ٹیکنالوجی اور تعلیم کے شعبوں میں وسیع تر تعاون اور فضائی روابط کے ذریعے دوطرفہ تعلقات کو فروغ دینے پر اتفاق کیا ہے جبکہ فوجی افسروں کی تربیت کا معاہدہ بھی کیا گیا۔
وزیراعظم نواز شریف کی قازق صدر نور سلطان نذر بایوف سے ملاقات اور باضابطہ مذاکرات میں مشترکہ وزارتی کمیشن کی جانب سے تجارتی اور اقتصادی تعاون کو فروغ دینے سے متعلق لائحہ عمل تیار کرنے پر بھی اتفاق کیا گیا، فریقین نے دونوں ملکوں کے تاجروں کو سہولت دینے سے متعلق امور کا بھی جائزہ لیا تاکہ وہ باآسانی اپنے ویزے حاصل کر سکیں، پاکستان اور قازقستان کے درمیان فضائی رابطے کے قیام سے متعلق امور کا بھی جائزہ لیا گیا۔
وزیراعظم نے اس بات پر زوردیا کہ دونوں ملکوں کو تیل اور گیس کے شعبے میں تعاون بڑھانا چاہیے، نواز شریف نے کہا کہ پاک چائنا راہداری منصوبہ قازقستان سمیت وسطی ایشیائی ممالک کیلیے مفید ثابت ہوگا، ملاقات کے بعد مشترکہ پریس کانفرنس کے دوران قازقستان کے صدر نے کہا کہ وہ پاکستان کے ساتھ تعلقات کو انتہائی اہمیت دیتے ہیں، انھوں نے پاکستان کی اقتصادی پالیسیوں کو سراہا جن کے نتیجے میں معیشت مستحکم ہوئی، قازقستان پاکستان کو برآمدات میں اضافہ کرنا اور سیکیورٹی تعاون بڑھانا چاہتا ہے۔
وزیراعظم نے پاکستان اور قازقستان کے درمیان گہرے اور تاریخی برادرانہ تعلقات کا ذکر کرتے ہوئے کہا کہ دونوں ممالک باہمی مفاد میں دوطرفہ تعلقات کو مزید تقویت دینے کی بہت صلاحیت رکھتے ہیں، فریقین نے اقوام متحدہ، شنگھائی تعاون تنظیم (ایس سی او)، اقتصادی تعاون کی تنظیم ( ای سی او) اور اسلامی تعاون کی تنظیم ( او آئی سی) سمیت بین الاقوامی سطح پر اپنا تعاون جاری رکھنے پر اتفاق کیا، نور سلطان نذر بایوف نے کہا کہ ان کا ملک پاکستان کو خطے کا ایک اہم ملک تصور کرتا ہے جو دہشت گردی کے خلاف بہادری کے ساتھ جنگ لڑ رہا ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔