کترینہ کو رنبیر اور دپیکا کی کیمسٹری سے کوئی خوف نہیں

ممبئی: بالی ووڈ اداکارہ کترینہ کیف کے ترجمان نے کہا ہے کہ کترینہ کو رنبیر کپور اور دپیکا پڈوکون کے درمیان آنے والی فلم ’تماشا‘ کو لے کر بالکل بھی خوف زدہ نہیں۔

بھارتی اخبار کے مطابق قیاس آرائیاں تھی کہ کترینہ رنبیر اور دپیکا کی فلم میں دونوں کی درمیان کی کیمسٹری کو لے کر خوف زدہ ہیں جس کے باعث انھوں نے اپنی رنبیر کے ہمراہ آنے والی فلم ’جگا جاسوس‘ میں ہدایت کار سے مزید بہتری کرنے کی گزارش کی تھی۔تاہم کترینہ کے ترجمان کا ان تمام خبروں کو افواہ قرار دیتے ہوئے کہنا تھا کہ یہ جھوٹی خبریں ہیں اور کترینہ نے اپنے ہدایت کار سے اس قسم کی کوئی فرمائش نہیں کی۔