- سیاسی نظریات کی نشان دہی کرنے والا اے آئی الگوردم
- خاتون ڈاکٹرز سے علاج کرانے والی خواتین میں موت کا خطرہ کم ہوتا ہے، تحقیق
- برطانیہ میں ایک فلیٹ اپنے انوکھے ڈیزائن کی وجہ سے وائرل
- فیصل واوڈا نے عدالتی نظام پر اہم سوالات اٹھا دیئے
- پاکستان کو آئی ایم ایف سے قرض کی نئی قسط 29 اپریل تک ملنے کا امکان
- امریکی اکیڈمی آف نیورولوجی نے پاکستانی پروفیسر کو ایڈووکیٹ آف دی ایئر ایوارڈ سے نواز دیا
- کوہلو میں خراب سیکیورٹی کے باعث ری پولنگ نہیں ہوسکی
- 9 ماہ کے دوران 9.8 ارب ڈالر کا قرض ملا، وزارت اقتصادی امور ڈویژن
- نارووال: بارات میں موبائل فونز سمیت قیمتی تحائف کی بارش
- کراچی کے مختلف علاقوں میں زلزلے کے جھٹکے
- کوئٹہ: برلن بڈی بیئر چوری کے خدشے کے پیش نظر متبادل جگہ منتقل
- گجرات میں اسپتال کی چھت گرنے سے خاتون سمیت تین افراد جاں بحق
- سعودی فرمانروا طبی معائنے کیلیے اسپتال میں داخل
- امریکی سیکریٹری اسٹیٹ سرکاری دورے پر چین پہنچ گئے
- ہم یہاں اچھی کرکٹ کھیلنے آئے ہیں، جیت سے اعتماد ملا، مائیکل بریسویل
- پچھلے میچ کی غلطیوں سے سیکھ کر سیریز جیتنے کی کوشش کرینگے، بابراعظم
- امریکا میں ٹک ٹاک پر پابندی کا بل سینیٹ سے بھی منظور
- محمد رضوان اور عرفان خان کو نیوزی لینڈ کے خلاف آخری دو میچز میں آرام دینے کا فیصلہ
- کے ایم سی کا ٹریفک مسائل کو حل کرنے کیلئے انسداد تجاوزات مہم کا فیصلہ
- موٹروے پولیس اہلکار کو روندنے والی خاتون گرفتار
راولپنڈی: فیس بک پردوستی کاانجام، طالبہ اجتماعی زیادتی کے بعد قتل
راولپنڈی: روات کے قریب ماسٹرڈگری ہولڈرطالبہ کوایک فلیٹ کے اندر مبینہ طورپر اجتماعی زیادتی کے بعد قتل کر دیا گیا اور واقعہ کو خودکشی کا رنگ دینے کے لیے لاش فلیٹ کی تیسری منزل سے نیچے پھینک دی گئی۔
چکوال کے محلہ امام باڑہ کی رہائشی 22 سالہ تہمینہ کوثر قائد اعظم یونیورسٹی سے کمپیوٹر سائنسز میں ماسٹر ڈگری ہولڈر تھی اورسی ایس ایس کی تیاری کررہی تھی۔ مبینہ طور پر مقتولہ کی فیس بک پر وہاڑی کے نوجوان عمیرسے دوستی ہوئی تھی جس کا انجام بھیانک ثابت ہوا، لڑکی 3 روز قبل چکوال میں اپنے گھر سے لاپتہ ہوئی اوراس کی تلاش جاری تھی۔
مبینہ طور پرملزم عمیرتہمینہ کو روات کے قریب اپنے فلیٹ پرلایا جہاں اس کے مزید 2 ساتھی بھی موجود تھے، فلیٹ پر تہمینہ کوثر کو اجتماعی زیادتی کا نشانہ بنانے کے بعد انتہائی بے دردی کے ساتھ قتل کر دیا گیا اور جرم چھپانے کیلیے واقعے کوخود کشی ظاہر کرنے کی غرض سے لاش صبح فلیٹ کی تیسری منزل سے نیچے پھینک دی گئی۔ فلیٹ سے فرار ہونے کی کوشش کے دوران سیڑھیوں سے گر کرملزم عمیر بھی زخمی ہو گیا جسے بعدازاں گرفتارکر لیا گیا جب کہ دیگر2 ملزمان فرارہوگئے۔
پولیس نے مقدمہ درج کرکے لاش پوسٹ مارٹم کے لیے ڈسٹرکٹ ہیڈ کوارٹراسپتال منتقل کر دی اورمقتولہ کے لواحقین کو چکوال سے ہنگامی طور پربلا لیا۔ گرفتار ملزم عمیر بھی ڈسٹرکٹ ہیڈکوارٹراسپتال میں ہی زیر علاج ہے۔ ڈی ایس پی ساجد گوندل نے بتایا کہ لڑکی کو پہلے قتل کیا گیا پھر تیسری منزل سے گرایا گیا، زیادتی کی بھی تصدیق ہوتی ہے تاہم اس سلسلے میں فارنسک رپورٹ کے بعد حتمی طور پربتایا جائیگا۔ بعدازاں پولیس نے پوسٹ مارٹم کے بعدلڑکی کی لاش ورثاکے حوالے کر دی۔
گرفتار ملزم عمیر نے ابتدائی بیان میں بتایا کہ ہم دونوں اکٹھے تعلیم حاصل کرتے تھے اورتہمینہ نے پہلے نکاح کیا پھرخود کشی کرلی تاہم مقتولہ کی والدہ اوربھائی عدنان نے کہا ہے کہ شادی کا بیان جھوٹ ہے۔ مقتولہ تہمینہ کو سی ایس ایس کی تیاری کرانے کے بہانے بلایا گیا تھا، جمعہ کی رات اس کا میسج آیا کہ وہ خطرے میں ہے اور باہرنہیں جانے دیا جا رہا اسے بچایا جائے۔ ڈی ایس پی ساجد گوندل نے بھی بتایا کہ ملزم کے پاس کورٹ میریج کی کوئی دستاویزنہیں، ڈی ایس پی نے خود کشی کے الزام کو بھی مسترد کر دیا۔ وزیراعلیٰ پنجاب شہباز شریف نے واقعے کانوٹس لیتے ہوئے آر پی اوسے رپورٹ طلب کرلی ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔