خواتین کی عزت کرتا ہوں اسی لیے ان کا پسندیدہ ہوں، شاہ رخ خان

ویب ڈیسک  جمعرات 3 دسمبر 2015
اندر سے ایکشن اداکار ہوں لیکن رومانوی ہیرو کے طور پر مشہور ہوگیا ہوں، بالی ووڈ کنگ ، فوٹو: فائل

اندر سے ایکشن اداکار ہوں لیکن رومانوی ہیرو کے طور پر مشہور ہوگیا ہوں، بالی ووڈ کنگ ، فوٹو: فائل

ممبئی: بالی ووڈ کے کنگ شاہ رخ خان نے کہا ہے کہ خواتین کی عزت کرتا ہوں اسی لیے ان کا پسندیدہ ہوں۔

بالی ووڈ اسٹار شاہ رخ خان کا نام کسی تعارف کے محتاج نہیں وہ اپنی منفرد اداکاری کے باعث دنیا بھر میں ممتاز مقام رکھتے ہیں یہی وجہ ہے کہ دنیا بھر میں ان کے مداحوں کی تعداد کروڑوں میں ہے جب کہ خواتین کی بڑی تعداد بھی ان کی اداکاری کی سب سے زیادہ فین ہیں تاہم اب کنگ خان نے خواتین مداحوں میں اپنی پسندیدگی کی وجہ خود ہی بیان کردی ہے۔

کنگ خان کا اپنے ایک انٹرویو میں کہنا تھا کہ  میں خواتین کی دل سے عزت کرتا ہوں اسی لیے سب مجھے پسند کرتی ہیں۔ فلم دل والے سے متعلق انہوں نے کہا کہ میری اور کاجول کی جوڑی کو بے حد پسند کیا جاتا ہے اور امید ہے فلم ’’دل والے‘‘ میں بھی ہماری جوڑی کو سراہا جائے گا۔

بالی ووڈ کنگ کا کہنا تھا کہ میں اندر سے ایکشن اسٹار ہوں لیکن رومانوی ہیرو کے طور پر مشہور ہوا ہوں جس کے باعث فلمسازوں پر فلم میں رومانس ڈالنے کے لیے دباؤ ہوتا ہے۔

واضح رہے کہ بالی ووڈ اداکار شاہ رخ خان اور کاجول کی فلم ’’دل والے‘‘ 18 دسمبر کو ریلیز کی جائے گی۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔