سلمان خان نے اپنی شادی کو نیشنل نیوز قرار دے دیا

ویب ڈیسک  ہفتہ 26 دسمبر 2015
 بھارت اور پاکستان سمیت دنیا بھر میں مداح میری شادی کے منتظر ہیں، بالی ووڈ اسٹار ، فوٹو: فائل

بھارت اور پاکستان سمیت دنیا بھر میں مداح میری شادی کے منتظر ہیں، بالی ووڈ اسٹار ، فوٹو: فائل

ممبئی: بالی ووڈ کے دبنگ سپر اسٹار سلمان خان نے کہا کہ میری شادی نیشنل نیوز بن گئی ہے۔

بالی ووڈ اسٹار سلمان خان کا شمار انڈسٹری کے نامور اداکاروں میں ہوتا ہے جن کے مداحوں کی تعداد کروڑوں میں ہے یہی نہیں وہ اپنی جاندار اداکاری کے ساتھ ساتھ معاشقوں کے حوالے سے بھی خاصی شہرت رکھتے ہیں جب کہ ان کے معاشقے انڈسٹری کی معروف اداکاراؤں کے ساتھ رہے ہیں جس میں سنگیتا بجلانی، ایشوریارائے بچن اور کترینہ کیف شامل ہیں تاہم طویل معاشقوں کے باوجود سلو میاں اب تک کنوارے ہیں اور اپنی شادی کی خبروں سے تنگ آگئے ہیں۔

برطانوی نشریاتی ادارے کو انٹرویو دیتے ہوئے بالی ووڈ اداکار سلمان خان کا کہنا تھا کہ حقیقی زندگی میں جو کچھ دیکھتا ہوں تو کوشش کرتا ہوں کہ اسے بڑے پردے کے ذریعے سب کو دکھاؤں جب کہ ہمیشہ میری یہی کو شش رہی ہے کہ اداکاری کرتے ہوئے ٹھیک طریقے سے کردار کو پیش کرسکوں۔

سلمان خان نے کہا کہ اپنی شادی کی خبروں سے تنگ آچکا ہوں کیوں کہ بھارت اور پاکستان سمیت دنیا بھر میں مداح میری شادی کے منتظر ہیں اور میری شادی نیشنل نیوز بن گئی ہے ۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔