- پولیس سرپرستی میں اسمگلنگ کی کوشش؛ سندھ کے سابق وزیر کی گاڑی سے اسلحہ برآمد
- ساحل پر گم ہوجانے والی ہیرے کی انگوٹھی معجزانہ طور پر مل گئی
- آئی ایم ایف بورڈ کا شیڈول جاری، پاکستان کا اقتصادی جائزہ شامل نہیں
- رشتہ سے انکار پر تیزاب پھینک کر قتل کرنے کے ملزم کو عمر قید کی سزا
- کراچی؛ دو بچے تالاب میں ڈوب کر جاں بحق
- ججوں کے خط کا معاملہ، اسلام آباد ہائیکورٹ نے تمام ججوں سے تجاویز طلب کرلیں
- خیبرپختونخوا میں بارشوں سے 36 افراد جاں بحق، 46 زخمی ہوئے، پی ڈی ایم اے
- انٹربینک میں ڈالر کی قدر میں تنزلی، اوپن مارکیٹ میں معمولی اضافہ
- سونے کے نرخ بڑھنے کا سلسلہ جاری، بدستور بلند ترین سطح پر
- گداگروں کے گروپوں کے درمیان حد بندی کا تنازع؛ بھیکاری عدالت پہنچ گئے
- سائنس دانوں کی سائبورگ کاکروچ کی آزمائش
- ٹائپ 2 ذیا بیطس مختلف قسم کے سرطان کے ساتھ جینیاتی تعلق رکھتی ہے، تحقیق
- وزیراعظم کا اماراتی صدر سے رابطہ، موسمیاتی تبدیلی سے نمٹنے کے لیے مشترکہ اقدامات پر زور
- پارلیمنٹ کی مسجد سے جوتے چوری کا معاملہ؛ اسپیکر قومی اسمبلی نے نوٹس لے لیا
- گزشتہ ہفتے 22 اشیا کی قیمتیں بڑھ گئیں، ادارہ شماریات
- محکمہ موسمیات کی کراچی میں اگلے تین روز موسم گرم و مرطوب رہنے کی پیش گوئی
- بھارت؛ انسٹاگرام ریل بنانے کی خطرناک کوشش نے 21 سالہ نوجوان کی جان لے لی
- قطر کے ایئرپورٹ نے ایک بار پھر دنیا کے بہترین ایئرپورٹ کا ایوارڈ جیت لیا
- اسرائیلی بمباری میں 6 ہزار ماؤں سمیت 10 ہزار خواتین ہلاک ہوچکی ہیں، اقوام متحدہ
- 14 دن کے اندر کے پی اسمبلی اجلاس بلانے اور نومنتخب ممبران سے حلف لینے کا حکم
جشن عید میلادالنبیؐ: اسوۂ حسنہ کی پیروی کی جائے
ملک بھر میں جمعرات کو عید میلاد النبیؐ مذہبی جوش و جذبے اور عقیدت و احترام کے ساتھ منائی گئی۔ سرکاری طور پر دن کا آغاز وفاقی دارالحکومت میں31 اور صوبائی دارالحکومتوں میں 21، 21 توپوں کی سلامی سے ہوا۔ مذہبی، سماجی اور فلاحی تنظیموں کی جانب سے سیرت النبیؐ کے حوالے سے سیمینارز، کانفرنسوں کا انعقاد کیا گیا اور ریلیاں و جلوس نکالے گئے۔
اس موقع پر تمام اہم سرکاری اور نجی عمارتوں پر چراغاں کیا گیا، بازاروں، گلیوں اور محلوں کو خوبصورت رنگ برنگی جھنڈیوں اور برقی قمقموں سے سجایا گیا، خانہ کعبہ، مسجد نبوی، فیصل مسجد، بادشاہی مسجد وغیرہ کے ماڈل رکھے گئے اور خطاطی کے نمونے بھی مختلف جگہوں پر آویزاں کیے گئے۔ عید میلادالنبیؐ کا جشن عالم اسلام کو امن، محبت اور انقلاب ایمانی کا درس دیتا ہے۔
اس دن کی خاص بات یہ رہی کہ حکومت کی جانب سے نہ تو موبائل سگنلز جام کیے گئے نہ ہی ڈبل سواری پر پابندی لگائی گئی لیکن ملک بھر میں امن و امان کی صورتحال مثالی رہی اور نہ صرف مسلمانوں بلکہ غیر مسلموں نے بھی رحمت اللعالمینؐ کے ساتھ اپنی عقیدت و احترام کے اظہار کے طور پر جلوسوں میں شرکت کی اور نذر و نیاز کرائی گئیں، عاشقان رسولؐ نے امن، رواداری، عقیدت ومحبت کی نئی روایتیں قائم کیں۔
اس حقیقت میں کوئی شک نہیں کہ عید میلادالنبیؐ کو مسلم امہ نہایت عقیدت و احترام سے مناتی ہے اور دنیا بھر کے مسلمان اس موقع پر اپنے پیارے نبیؐ کی سیرت مبارکہ پر چلنے کا عہد کرتے ہیں۔ حضور پرنورؐ نے مسلمانوں کو محبت، بھائی چارہ، اخوت، عفوودرگزر کا درس دیا۔ آج کے پرفتن دور میں مسلمان اسلامی تعلیمات سے دور ہوتے جارہے ہیں، عدم برداشت کا کلچر پھیل رہا ہے، بھائی بھائی کا دشمن ہوگیا ہے، مادیت پرستی کا دور دورہ ہے۔
ایسے میں عید میلادالنبیؐ مناتے ہوئے آنحضورؐ سے محبت کے اظہار کے ساتھ اسوۂ حسنہ کی پیروی کرنے کے عزم کا اعادہ بھی ضروری ہے۔ آج مسلم امہ جس زبوں حالی کا شکار ہے اس کا ایک سبب اسلامی تعلیمات اور اسوۂ حسنہ سے دوری بھی ہے۔ طاغوتی طاقتیں مسلمانوں کی قوت کا شیرازہ بکھیرنے کے لیے متحرک ہیں۔ اسلامی مملکتوں کو باہمی تنازعات اور تفرقوں کو بالائے طاق رکھتے ہوئے دنیا بھر کے مسلمانوں کی اجتماعی بھلائی کے لیے اﷲ کی رسی کو مضبوطی سے تھامنا ہوگا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔