پشاورمیں پولیس کے سرچ آپریشن کے دوران 20 افراد گرفتار

پشاور: پشتہ خرہ میں پولیس  نے سرچ آپریشن کے دوران 20 افراد گرفتار کرکے ان کے قبضے سے اسلحہ برآمد کرلیا۔

ایکسپریس نیوزکے مطابق پشاورکے علاقے پشتہ خرہ میں پولیس کی جانب سے سرچ آپریشن کیا گیا،آپریشن کے دوران 3 افغان باشندوں سمیت 20 افراد کوحراست میں لیاگیا۔ گرفتارافراد سے مختلف اقسام کا اسلحہ بھی برآمد کیا گیا ہے جس میں 4 پستول، ایک شارٹ مشین گن اورسیکڑوں کارتوس شامل ہیں۔

پولیس کا کہنا ہے کہ گرفتار کیے گئے افراد کو نامعلوم جگہ پرمنتقل کردیا گیا ہے جہاں ان سے تحقیقات جاری ہے۔