رینجرزاختیارات پرسندھ حکومت کے تحفظات دورکرنےکیلئے وزیراعظم کل کراچی آرہے ہیں

ویب ڈیسک  اتوار 27 دسمبر 2015
وزیراعظم نوازشریف کے ہمراہ وفاقی وزیرداخلہ چوہدری نثاراور وزیر خزانہ اسحاق ڈار بھی ہوں گے فوٹو: فائل

وزیراعظم نوازشریف کے ہمراہ وفاقی وزیرداخلہ چوہدری نثاراور وزیر خزانہ اسحاق ڈار بھی ہوں گے فوٹو: فائل

 اسلام آباد: سندھ میں رینجرز کے اختیارات پرصوبائی حکومت کے تحفظات دورکرنے کے لئے وزیراعظم نوازشریف پیرکو کراچی آرہے ہیں۔

وزیراعظم نوازشریف پیرکے روزکراچی آئیں گے اوران کے ہمراہ وفاقی وزیرداخلہ چوہدری نثاراوروزیرخزانہ اسحاق ڈاربھی ہوں گے، اس موقع پروہ امن وامان کے حوالے سے اجلاس کی صدارت کریں گے جس میں نیشنل ایکشن پلان اورشہرمیں امن وامان کے حوالے سے بریفنگ دی جائے گی۔

وزیراعظم نوازشریف اپنے دورے کے دوران وزیراعلی سندھ سید قائم علی شاہ ،ڈی جی رینجرزاورکورکمانڈرسے بھی ملاقات کریں گے جس میں کراچی میں امن وامان کی صورتحال اوررینجرزکے اختیارات کے حوالے سے بھی بات چیت کی جائے گی۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔