- حکومت تمام اخراجات ادھار لے کر پورا کررہی ہے، احسن اقبال
- لاپتا افراد کا معاملہ بہت پرانا ہے یہ عدالتی حکم پر راتوں رات حل نہیں ہوسکتا، وزرا
- ملائیشیا میں فوجی ہیلی کاپٹرز آپس میں ٹکرا گئے؛ 10 اہلکار ہلاک
- عالمی اور مقامی مارکیٹ میں سونے کی قیمت میں آج بھی بڑی کمی
- قومی ٹیم میں بیٹرز کی پوزیشن معمہ بن گئی
- نیشنل ایکشن پلان 2014 پر عملدرآمد کیلیے سپریم کورٹ میں درخواست دائر
- پختونخوا کابینہ میں بجٹ منظوری کیخلاف درخواست پر ایڈووکیٹ جنرل کو نوٹس
- وزیراعظم کا ٹیکس کیسز میں دانستہ التوا کا نوٹس؛ چیف کمشنر ان لینڈ ریونیو اسلام آباد معطل
- بلوچستان میں 24 تا 27 اپریل مزید بارشوں کی پیشگوئی، الرٹ جاری
- ازبکستان، پاکستان اور سعودی عرب کے مابین شراکت داری کا اہم معاہدہ
- پی آئی اے تنظیم نو میں سنگ میل حاصل، ایس ای سی پی میں انتظامات کی اسکیم منظور
- کراچی پورٹ کے بلک ٹرمینل اور 10برتھوں کی لیز سے آمدن کا آغاز
- اختلافی تحاریر میں اصلاح اور تجاویز بھی دیجیے
- عوام کو قومی اسمبلی میں پٹیشن دائر کرنیکی اجازت، پیپلز پارٹی بل لانے کیلیے تیار
- ریٹائرڈ کھلاڑیوں کو واپس کیوں لایا گیا؟ جواب آپکے سامنے ہے! سلمان بٹ کا طنز
- آئی ایم ایف کے وزیراعظم آفس افسروں کو 4 اضافی تنخواہوں، 24 ارب کی ضمنی گرانٹ پر اعتراضات
- وقت بدل رہا ہے۔۔۔ آپ بھی بدل جائیے!
- خواتین کی حیثیت بھی مرکزی ہے!
- 9 مئی کیسز؛ شیخ رشید کی بریت کی درخواستیں سماعت کیلیے منظور
- ’آزادی‘ یا ’ذمہ داری‘۔۔۔ یہ تعلق دو طرفہ ہے!
دہشت گردی اور انتہاپسندی کی بڑی وجہ معاشی پسماندگی ہے، مولانا فضل الرحمان
ژوب: جمعیت علمائے اسلام (ف) کے سربراہ مولانا فضل الرحمان کا کہنا ہے کہ دہشت گردی اور انتہا پسندی کی سب سے بڑی وجہ معاشی پسماندگی ہے۔
پاک چین اقتصادی راہداری کے مغربی روٹ کی افتتاحی تقریب سے خطاب کرتے ہوئے مولانا فضل الرحمان کا کہنا تھا کہ چین نے پاکستان کا بہترین دوست ہونےکا ثبوت دیاہے، اقتصادی راہداری کا منصوبہ پسماندہ عوام کے لیے خوشحالی کی نوید ہے، ترقی کے سفر میں وزیراعظم کو بھرپور تعاون کا یقین دلاتا ہوں۔ ان کا کہنا تھا کہ دہشت گردی اور انتہا پسندی کی سب سے بڑی وجہ معاشی پسماندگی ہے، ہم اپنی آنے والی نسلوں کو خون آلود مستقبل نہیں دینا چاہتے، اپنے بچوں کو پرامن اور خوشحال پاکستان دینا چاہتے ہیں، قومی ترقی کے لیے پوری قوم کو کردار ادا کرنا ہوگا۔
نیشنل پارٹی کے رہنما میرحاصل بزنجو کا کہنا تھا کہ ماضی میں ترقیاتی کام ہوتے تو آج بلوچستان ملک سے منسلک ہوتا، شاہراہیں صرف فاصلے کم نہیں کرتیں بلکہ ان سے معاشرے تبدیل ہوتے ہیں۔ انھوں نے کہا کہ بلوچستان کے عوام وزیراعظم نوازشریف کے مشکور ہیں اور وزیراعظم کے وژن کو آگے لے جانے کی ضرورت ہے۔
پشتونخوا عوامی ملی پارٹی کے سربراہ محمود خان اچکزئی نے کہا کہ دنیا کی تمام جنگیں نفرتیں اور بے انصافی سے جنم لیتی ہیں، بے انصافی کے ساتھ امن نہیں آ سکتا، امن کے لئے انصاف بہت ضروری ہے۔ ہمسایوں سے اچھے تعلقات کے بغیر کوئی منصوبہ کامیاب نہیں ہو سکتا، علاقائی ممالک سے تعاون وزیراعظم نوازشریف کی پالیسی ہے۔ ان کا کہنا تھا کہ شاہراہیں ملکی ترقی میں اہمیت کی حامل ہوتی ہیں، وزیراعظم بلوچوں سے کہہ دیں کہ صوبے کے وسائل پر آپ کا حق ہے، ہم ہر اچھے کام میں وزیراعظم نواز شریف کے ساتھ ہیں۔
عوامی نیشنل پارٹی کے میاں افتخار حسین نے اپنے خطاب میں کہا کہ اقتصادی راہداری کا مغربی روٹ سب سے اہم اور محفوظ ہے، پسماندہ علاقوں کو ترقی دے کر خوشحالی کا خواب پورا ہو سکتا ہے، قدرتی وسائل کا سب سے زیادہ فائدہ مقامی افراد کو پہنچنا چاہیئے۔ ان کا کہنا تھا کہ وزیراعظم اسی وژن پر چلتے رہے تو ملک جلد دہشت گردی سے نجات حاصل کر لے گا، دہشت گردی اور دیگر مشترکہ مسائل کا ہم سب ڈٹ کر مقابلہ کریں گے۔ پاکستان مسلم لیگ (ق) کے سینیٹر مشاہد حسین کا کہنا تھا کہ وزیراعظم نواز شریف نے مغربی روٹ کا افتتاح کر کے 28 مئی کو کئے گئے وعدے پورے کر دیئے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔