کرم ایجنسی سے بڑی تعداد میں اسلحہ برآمد، 2 ملزمان گرفتار

کرم ایجنسی: وسطی کرم کے علاقے میں سیکیورٹی فورسز اور پولیٹیکل انتظامیہ نے کارروائی کر کے بڑی تعداد میں دھماکا خیز مواد اور اسلحہ برآمد کر کے 2 ملزمان کو گرفتار کر لیا۔

ایکسپریس نیوز کے مطابق کرم ایجنسی کے علاقے وسطی کرم میں سیکیورٹی فورسز اور پولیٹکل انتظامیہ نے کارروائی کر کے ایک گاڑی سے بڑی تعداد میں اسلحہ اور دھماکا خیز مواد برآمد کرلیا۔

پولیٹکل انتظامیہ کا کہنا ہے کہ کارروائی میں 23 میزائل، 29 راکٹ، 2 راکٹ لانچر، ڈیٹونیٹر اور فیوز اور ایک اینٹی ایئر کرافٹ میش گن بھی برآمد کی گئی۔ فورسز نے 2 ملزمان کو گرفتار کر کے تفتیش کا آغاز کر دیا گیا ہے۔