کویت کا بھی ایران سے سفارتی تعلقات ختم کرنے کا اعلان

ویب ڈیسک  منگل 5 جنوری 2016
تہران میں مشتعل افراد کی جانب سے سعودی سفارتخانے پر حملہ سفارتی آداب کی خلاف ورزی ہے،وزارت خارجہ. فوٹو:فائل

تہران میں مشتعل افراد کی جانب سے سعودی سفارتخانے پر حملہ سفارتی آداب کی خلاف ورزی ہے،وزارت خارجہ. فوٹو:فائل

کویت سٹی: مشرقِ وسطیٰ میں سعودی عرب کے ایک اور اتحادی ملک کویت نے بھی ایران سے سفارتی تعلقات توڑتے ہوئے فضائی رابطے ختم کرنے کا اعلان کریا ہے۔

غیرملکی خبررساں ادارے کے مطابق بحرین،سوڈان اور متحدہ عرب امارات کے بعد کویت نے بھی ایران کے ساتھ سفارتی تعلقات ختم کرنے کا اعلان کرتے ہوئے اپنے سفیر کو وطن واپس بلا لیا اور فضائی رابطے بھی ختم کرنے کا اعلان کردیا ہے۔ کویتی وزارت خارجہ کی جانب سے جاری بیان میں کہا گیا ہے کہ تہران میں مشتعل افراد کی جانب سے سعودی سفارتخانے پر حملہ سفارتی آداب کی خلاف ورزی ہے۔

واضح رہے کہ سعودی عرب کی جانب سے دہشت گردی کی وارداتوں میں ملوث 47 افراد کو سزائے موت دیئے جانے کے بعد سے ایران اور سعودی عرب کے درمیان شدید کشیدگی پائی جاتی ہے جب کہ سعودی عرب نے سفارتی تعلقات سمیت فضائی رابطے بھی منقطع کرنے کا فیصلہ کیا ہے اور اپنے شہریوں کو ایران کا سفر کرنے سے روک دیا ہے۔

 

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔