سشمیتا نے متحدہ عرب امارات جانے کا پروگرام بنالیا

شوبز ڈیسک  پير 18 جنوری 2016
  آج کل کی خواتین بھی کرکٹ کو سمجھنے لگی ہیں اور میدان میں موجود شائقین میں بہت ساری خواتین بھی ہوتی ہیں، سشمیتا  فوٹو: فائل

آج کل کی خواتین بھی کرکٹ کو سمجھنے لگی ہیں اور میدان میں موجود شائقین میں بہت ساری خواتین بھی ہوتی ہیں، سشمیتا فوٹو: فائل

ممبئی: سابق مس یونیورس اور بالی ووڈ اداکارہ سشمیتا سین نے متحدہ عرب امارات جانے کا پروگرام بنالیا بتایاگیاہے کہ سشمیتا سین ماسٹرز چیمپئنز لیگ کے میچز دیکھنے کے لیے متحدہ عرب امارات جانا چاہتی ہیں اور وہ جلد ہی وہاں پہنچ کرکیپری کورن کمانڈرز کی ٹیم کا حوصلہ بڑھائیں گی۔

ان کا کہنا ہے کہ آج کل کی خواتین بھی کرکٹ کو سمجھنے لگی ہیں اور میدان میں موجود شائقین میں بہت ساری خواتین بھی ہوتی ہیں۔ سشمیتا سین کو زیادہ خوشی اس بات کی ہے کہ انھوں نے ابھی تک آئی پی ایل کے سوا کرکٹ کا کوئی میچ اپنے سامنے نہیں دیکھا ہے لیکن انھیں علم ہے کہ نامور کھلاڑیوں کی بیٹنگ، بالنگ اور فیلڈنگ کا نظارہ انتہائی دلچسپ ہوتا ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔