سعودی عرب 10 سال میں پہلی بار غیر ملکی بینک سے 8 ارب ڈالر کا قرضہ لے گا

نیٹ نیوز  جمعرات 10 مارچ 2016
برطانوی فرم ویرس پارٹنرز سعودی حکومت کو قرضے کے حصول پر مشاورت فراہم کر رہی ہے۔ فوٹو: فائل

برطانوی فرم ویرس پارٹنرز سعودی حکومت کو قرضے کے حصول پر مشاورت فراہم کر رہی ہے۔ فوٹو: فائل

دبئی:  سعودی عرب10 سال میں پہلی بار غیرملکی بینک سے 6 سے 8 ارب ڈالر قرضہ لے گا۔

برطانوی فرم ویرس پارٹنرز سعودی حکومت کو قرضے کے حصول پر مشاورت فراہم کر رہی ہے۔ فرم کی جانب سے سعودی وزارت خزانہ کے ایما پر کچھ بینکوں سے تجاویز مانگی گئی ہیں جبکہ ذرائع کا کہنا ہے کہ تجاویز میں 5 سال کے قرضے کا کہا گیا ہے اور ساتھ ہی قرضے میں اضافے کا آپشن بھی رکھا گیا ہے۔ ذرائع کا یہ بھی کہنا ہے کہ قرضہ فراہم کرنے والا بینک سعودی حکومت کی جانب سے انٹرنیشنل بانڈ کا انتظام کرے گا۔

تجزیہ کاروں کا کہنا ہے کہ6 خلیجی ممالک نے 2016 میں 20 ارب ڈالر کا قرضہ لیا ہے جوکہ ایک بہت بڑی تبدیلی ہے۔ اس سے قبل خلیجی ممالک دیگر ملکوں کو قرضے دے رہے تھے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔