- فیصل واوڈا نے عدالتی نظام پر اہم سوالات اٹھا دیئے
- پاکستان کو آئی ایم ایف سے قرض کی نئی قسط 29 اپریل تک ملنے کا امکان
- امریکی اکیڈمی آف نیورولوجی نے پاکستانی پروفیسر کو ایڈووکیٹ آف دی ایئر ایوارڈ سے نواز دیا
- کوہلو میں خراب سیکیورٹی کے باعث ری پولنگ نہیں ہوسکی
- 9 ماہ کے دوران 9.8 ارب ڈالر کا قرض ملا، وزارت اقتصادی امور ڈویژن
- نارووال: بارات میں موبائل فونز سمیت قیمتی تحائف کی بارش
- کراچی کے مختلف علاقوں میں زلزلے کے جھٹکے
- کوئٹہ: برلن بڈی بیئر چوری کے خدشے کے پیش نظر متبادل جگہ منتقل
- گجرات میں اسپتال کی چھت گرنے سے خاتون سمیت تین افراد جاں بحق
- سعودی فرمانروا طبی معائنے کیلیے اسپتال میں داخل
- امریکی سیکریٹری اسٹیٹ سرکاری دورے پر چین پہنچ گئے
- ہم یہاں اچھی کرکٹ کھیلنے آئے ہیں، جیت سے اعتماد ملا، مائیکل بریسویل
- پچھلے میچ کی غلطیوں سے سیکھ کر سیریز جیتنے کی کوشش کرینگے، بابراعظم
- امریکا میں ٹک ٹاک پر پابندی کا بل سینیٹ سے بھی منظور
- محمد رضوان اور عرفان خان کو نیوزی لینڈ کے خلاف آخری دو میچز میں آرام دینے کا فیصلہ
- کے ایم سی کا ٹریفک مسائل کو حل کرنے کیلئے انسداد تجاوزات مہم کا فیصلہ
- موٹروے پولیس اہلکار کو روندنے والی خاتون گرفتار
- ہندو جیم خانہ کیس؛ آپ کو قبضہ کرنے نہیں دیں گے، چیف جسٹس کا رمیش کمار سے مکالمہ
- بشری بی بی کو کچھ ہوا تو حکومت اور فیصلہ سازوں کو معاف نہیں کریں گے، حلیم عادل شیخ
- متحدہ وفد کی احسن اقبال سے ملاقات، کراچی کے ترقیاتی منصوبوں پر تبادلہ خیال
آئیڈیاز 2012: پاکستان نے خودکش بمباروں کی نشاندہی کرنیوالے آلات کی تیاری شروع کر دی
کراچی: دفاعی ضروریات پوری کرنے والے قومی ادارے ملکی سلامتی کو درپیش دہشت گردی کے خطرے سے نمٹنے کیلیے خصوصی ہتھیاروں کی تیاری میں مصروف ہیں جن میں دورمار رائفلیں، وڈیو ٹرانسمیشن اور لیزرگائیڈڈ گنز، گرینیڈ لانچر، خودکش بمباروں اوردھماکاخیز مواد کی نشاندہی کرنے والے آلات شامل ہیں۔جدید کمیونی کیشن اور لیزرگایڈڈ سسٹم پر مشتمل خصوصی گن آئندہ سال قانون نافذ کرنے والے اداروں کے خصوصی دستوںکوفراہم کردی جائیگی۔
پاکستان آرڈیننس فیکٹری واہ نے دہشت گردی سے نمٹنے کیلیے جدید ترین گن تیار کرلی ہے جسے POF EYEکا نام دیا گیاہے جدید کیمرے، وڈیوکمیونی کیشن، لیزر گائیڈڈ سسٹم سے لیس یہ گن دہشت گردوں کے خلاف کمانڈوایکشن کا موثر ترین ہتھیار ہے جس کی مدد سے دہشت گردوں کے سامنے آئے بغیر 70ڈگری کے زاویے سے نشانہ بنایا جاسکتا ہے یہ گن ہدف کے بارے میں تمام معلومات وڈیو کی شکل میں 300میٹر کے فاصلے سے کمانڈسینٹر کو براہ راست ارسال کرتی ہے،اس گن میں مختلف قسم کے مشین پسٹل نصب کیے جاسکتے ہیں اور 14ایم ایم کا گرینیڈ لانچر بھی استعمال کیا جاسکتا ہے۔
جدید ترین گن بنانے والے ادارے پاکستان آرڈیننس فیکٹری کے ماہرین نے ’’ایکسپریس‘‘ کو بتایا کہ پی اوایف آئی ریسرچ اینڈڈیولپمنٹ کے مراحل سے نکل کر ٹیسٹنگ کے آخری مرحلے میں داخل ہوچکی ہے اوراس وقت ایس ایس جی سی کمانڈوز مختلف مشقوں میں اس گن کی کارکردگی جانچ رہے ہیں،اس گن کے بارے میں رینجرزاور پولیس کے اعلیٰ افسران کوخصوصی بریفنگ دی جاچکی ہے اوران اداروں نے دہشت گردی سے نمٹنے کے لیے اس جدید نوعیت کے سسٹم کو انتہائی موثر ہتھیار قرار دیتے ہوئے خریداری کے لیے دلچسپی کا اظہار کیاہے اس گن میں برادراسلامی ممالک بھی خصوصی دلچسپی لے رہے ہیں ۔
نیشنل ریڈیو اینڈ ٹیلی کمیونی کیشن کارپوریشن بھی خودکش بمباروںاوردھماکا خیزآلات کی کھوج لگانے کے لیے خصوصی آلات کی تیاری میں مصروف ہے کمرشل منیجر عامر جاوید اور عابد نسیم نے ایکسپریس کو بتایاکہ ادارے نے فضاسے جاسوسی کرنے والا ایئراسکاٹ تیار کرلیاہے جو آئندہ سال مارچ میں فورسز کے حوالے کردیا جائے گا۔ایئراسکاٹ ایک کلومیٹر بلندی پر 30منٹ تک معلق رہ کر 180ڈگری زاویے تک زمین پر بم، دھماکا خیز مواد، خود کش بمبار اور دہشت گردوں کی کھوج کرسکتا ہے آئیڈیاز 2012میں ایئراسکاٹ پہلی مرتبہ نمائش کے رکھا گیا ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔