- وزیرداخلہ سے ایرانی سفیر کی ملاقات، صدرابراہیم رئیسی دورے سے متعلق تبادلہ خیال
- پختونخوا؛ صحت کارڈ پر دوائیں نہ ملنے پر معطل کیے گئے 15 ڈاکٹرز بحال
- لاہور؛ پولیس مقابلے میں 2 ڈاکو مارے گئے، ایک اہل کار شہید دوسرا زخمی
- پختونخوا؛ مسلسل بارشوں کی وجہ سے کئی اضلاع میں 30 اپریل تک طبی ایمرجنسی نافذ
- پختونخوا؛ سرکاری اسکولوں میں کتب کی عدم فراہمی، تعلیمی سرگرمیاں معطل
- موٹر وے پولیس کی کارروائی، کروڑوں روپے مالیت کی منشیات برآمد
- شمالی کوریا کا کروز میزائل لیجانے والے غیرمعمولی طورپربڑے وارہیڈ کا تجربہ
- پاکستان اور نیوزی لینڈ کے درمیان دوسرا ٹی20 آج کھیلا جائے گا
- بابر کو ماضی کی غلطیوں سے سبق سیکھنے کا مشورہ
- موبائل فون صارفین کی تعداد میں 37 لاکھ کی ریکارڈ کمی
- گیلپ پاکستان سروے، 84 فیصد عوام ٹیکس دینے کے حامی
- ایکسپورٹ فیسیلی ٹیشن اسکیم کے غلط استعمال پر 10کروڑ روپے جرمانہ
- معیشت2047 تک 3 ٹریلین ڈالر تک بڑھنے کی صلاحیت رکھتی ہے، وزیر خزانہ
- پٹرولیم ایکسپلوریشن اینڈ پروڈکشن کمپنیوں نے سبسڈی مانگ لی
- پاکستان کی سعودی سرمایہ کاروں کو 14 سے 50 فیصد تک منافع کی یقین دہانی
- مشرق وسطیٰ کی بگڑتی صورتحال، عالمی منڈی میں خام تیل 3 ڈالر بیرل تک مہنگا
- انٹرنیشنل کرکٹ میں واپسی پر محمد عامر کے ڈیبیو جیسے احساسات
- کُتا دُم کیوں ہلاتا ہے؟ سائنسدانوں کے نزدیک اب بھی ایک معمہ
- بھیڑوں میں آپس کی لڑائی روکنے کیلئے انوکھا طریقہ متعارف
- خواتین کو پیش آنے والے ماہواری کے عمومی مسائل، وجوہات اور علاج
بولنگ کوچ کی پوسٹ،وقار یونس کو آسٹریلوی بورڈ کے جواب کا انتظار
سڈنی: آسٹریلوی بولنگ کوچ بننے کی درخواست دینے والے وقار یونس کو کینگرو بورڈ کی جانب سے جواب کا انتظار ہے، سابق پاکستانی پیسر سری لنکن پریمیئر لیگ میں رہونا کی کوچنگ کے حوالے سے خاصے پُرجوش ہیں، انھوں نے پاک بھارت کرکٹ روابط کی بحالی کا بھی خیرمقدم کیا۔ تفصیلات کے مطابق وقار یونس نے خرابی صحت کو جواز بنا کر پاکستانی ٹیم کی کوچنگ چھوڑ دی تھی، وہ مستقل طور پر آسٹریلیا میں رہائش پذیر ہیں،
کینگرو بورڈ نے جب بولنگ کوچ کی تلاش شروع کی تو وقار یونس بھی امیدواروں میں شامل ہو گئے، ایک انٹرویو میں انھوں نے کہا کہ میں نے اس پوسٹ کیلیے درخواست ضرور دی مگر کرکٹ آسٹریلیا کی جانب سے کوئی رابطہ نہیں کیا گیا ہے،انھوں نے کہا کہ سری لنکن لیگ میں رہونا کی کوچنگ ایک نیا تجربہ ہو گا،امید ہے کہ ہماری ٹیم ایونٹ میں اچھا کھیل پیش کرے گی، میں اس موقع سے فائدہ اٹھانے کیلیے پُرجوش ہوں۔
ایک سوال پر وقار یونس نے کہا کہ پاکستانی ٹیم کا بھارت جا کر کھیلنا بہت ضروری ہے،مجھے مستقبل میں بھارتی سائیڈ کے بھی دورئہ پاکستان کی امید ہے، اس صورت میں دیگر ٹیموں کا بھی ٹور کیلیے حوصلہ بڑھے گا۔ سابق کپتان نے کہا کہ نوجوان پیسر جنید خان سری لنکا میں اچھے ردھم میں نظر آیا، عمر گل اور محمد سمیع کے مقابلے میں اس نے بہت عمدہ بولنگ کی،
اگر اس کی مناسب انداز سے دیکھ بھال کی جائے تو مستقبل میں مزید بہتر بولر کا روپ اختیار کر لے گا، وقار یونس نے کہا کہ عمر گل سری لنکا میں بالکل آئوٹ آف فارم دکھائی دیا مگر اسے سائیڈ لائن نہیں کرنا چاہیے، مجھے یقین ہے کہ وہ جلد بہترین انداز سے کھیل میں واپس آئے گا۔ سابق پیسر نے محمد سمیع پر تنقید کرتے ہوئے کہا کہ ٹیم میں 14،15 کم بیک کے باوجود اس نے انٹرنیشنل کرکٹ میں بولنگ کا فن نہیں سیکھا اور ہمیشہ مہنگا ثابت ہوتا ہے،
سمیع نے ڈومیسٹک مقابلوں میں اچھا کھیل پیش کیا مگر بین الاقوامی مقابلوں میں ویسی کارکردگی نہیں دکھا پاتا، وہ اب نوجوان نہیں رہا اور بے تحاشا مواقع پا چکا، مجھے لگتا ہے کہ اس کیلیے ٹیم خصوصاً ٹیسٹ سائیڈ میں جگہ برقرار رکھنا دشوار ہوگا، بولنگ اٹیک میں نوجوانوں کو شامل کرنے کا اب وقت آ چکا ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔