- پولیس یونیفارم پہننے پر مریم نواز کیخلاف کارروائی ہونی چاہیے، یاسمین راشد
- قصور ویڈیو اسکینڈل میں سزا پانے والے 2 ملزمان بری کردیے گئے
- سپریم کورٹ نے اسپیکر بلوچستان اسمبلی عبدالخالق اچکزئی کو بحال کر دیا
- مرغی کی قیمت میں کمی کیلیے اقدامات کر رہے ہیں، وزیر خوراک پنجاب
- عوام کو کچھ نہیں مل رہا، سارا پیسہ سرکاری تنخواہوں میں دیتے رہیں گے؟ چیف جسٹس
- وزیراعلیٰ پنجاب مریم نواز شریف نے پولیس وردی پہن لی
- کلین سوئپ شکست؛ ویمنز ٹیم کی سلیکشن کمیٹی میں بڑی تبدیلیاں
- قومی اسمبلی کمیٹیاں؛ حکومت اور اپوزیشن میں پاور شیئرنگ کا فریم ورک تیار
- ٹرین میں تاریں کاٹ کر تانبہ چوری کرنے والا شخص پکڑا گیا
- غزہ کے اسپتالوں میں اجتماعی قبریں، امریکا نے اسرائیل سے جواب طلب کرلیا
- وزارتِ صنعت و پیداوار نے یوریا کھاد درآمد کرنے کی سفارش کردی
- ٹی20 ورلڈکپ؛ 8 بار کے اولمپک گولڈ میڈلسٹ یوسین بولٹ سفیر نامزد
- کہوٹہ؛ بس میں ڈکیتی کے دوران ڈاکو کی فائرنگ سے سرکاری اہلکار جاں بحق
- نوجوان نسل قوم کا سرمایہ
- اسلام آباد میں روٹی کی قیمت میں کمی کا نوٹیفکیشن معطل
- کیا رضوان آئرلینڈ کیخلاف سیریز میں اسکواڈ کا حصہ ہوں گے؟ بابر نے بتادیا
- ویمنز کوالیفائر؛ آئی سی سی نے ثنامیر کو ’’برانڈ ایمبیسڈر‘‘ مقرر کردیا
- پی او بی ٹرسٹ عالمی سطح پر ساڑھے 3لاکھ افراد کی بینائی ضائع ہونے سے بچا چکا ہے
- ایف بی آر نے ایک آئی ٹی کمپنی کی ٹیکس ہیرا پھیری کا سراغ لگا لیا
- سیاسی نظریات کی نشان دہی کرنے والا اے آئی الگوردم
ایکسپریس نیوزکاچھاپہ، جعلی کلینک سیل ،جعلی ڈاکٹرحوالات میں
لاہور: ایکسپریس نیوزچینل نے انسانی زندگیوں سے کھیلنے کے گھنائونے دھندے میں ملوث جعلی کلینک کو سیل اور جعلی ڈاکٹرکوحوالات بھجوادیا۔
پروگرام ’’بات سے بات ‘‘کی ٹیم نے ایسے جعلی کلینک پرچیف ڈرگ انسپکٹر اور پولیس کے ہمراہ چھاپہ مارا،جو سادہ لوح لوگوں کے آپریشن کرکے پیسے بٹورنے کے دھندے میں ملوث تھا ۔جعلی ڈاکٹروں کے ہتھے چڑھ کرچھاتی کے کینسر میں مبتلا ہونے والی 34 سالہ سمیرا نے اینکر پرسن ماریہ ذوالفقار خان کو بتایا کہ مجھے ایک روزچھاتی میں گلٹیاں محسوس ہوئیں، میں نے ایک جاننے والے کے حوالے سے الزہریٰ میموریل کلینک اینڈ میٹرنٹی ہوم میں ڈاکٹر پروین سے رابطہ کیا۔اس نے دیکھنے کے فوری بعد کہاکہ یہ گلٹیاں ہیں۔
میں تمہارا آپریشن کر کے انھیں نکال دیتی ہوں۔ اس نے میرا کوئی ٹیسٹ نہیں کرایا،تھوڑی دیر بعد ایک ڈاکٹر کو بلایا،مجھے بیہوش کیا اور پانچ انچ کا کٹ لگا کرآپریشن کردیا۔پھربیگ میں کچھ غدود ڈال کر میرے حوالے کردیں اور کہاکہ یہ لیبارٹری میں ٹیسٹ کیلیے دیدواور پھر مجھے ڈسچارج کردیا ۔چند دن بعد میں رپورٹس لے کر گئی توکافی دیر انتظار کرانے کے بعد کہاکہ تم گھر چلی جائو،ابھی میرا سرجن سے رابطہ نہیں ہورہا۔میں گھر چلی گئی،رات کو فون آیا کہ تمہاری رپورٹس میں چھاتی کے کینسرکی نشاندہی ہوئی ہے، تم اپنی چھاتی ری مووکرالو۔
جس پر مجھے اور میرے گھر والوں کو تشویش ہوئی،ہم ایک اور ڈاکٹر کے پاس گئے تواس نے کہاکہ معمولی گلٹی کا علاج ممکن تھا، تم نے غلط آپریٹ کرالیا، اس لیے تمہاری چھاتی ری موو کرنا پڑے گی اور مجھے مجبوری میں ایساکرانا پڑا ۔’’بات سے بات‘‘ کی ٹیم کے سامنے جب سمیرا نے جعلی ڈاکٹر پروین کو ٹیلی فون کیا اور کہاکہ تم نے میرا غلط آپریشن کرکے بہت بڑی زیادتی کی ہے تو اس کا کہنا تھاجو ہونا تھا ہوگیا،تم جو کرسکتی ہو کرلو۔پروگرام کے نمائندے کوجعلی ڈاکٹر کے پاس بھیجا گیاکہ میں اسقاط حمل کے لیے آپکی خدمات لینا چاہتا ہوں۔
پروین نامی عورت نے اپنے آپ کو ڈاکٹر ظاہر کیا اور کہاکہ اگردواسے مسئلہ حل ہوگیا تو ٹھیک ، ورنہ اسقاط حمل پر10ہزار روپے خرچ ہونگے۔’’بات سے بات‘‘ کی ٹیم نے چیف ڈرگ انسپکٹر شوکت علی کے ہمراہ کلینک پر چھاپہ مارا تو جعلی ڈاکٹر کا موقف تھا کہ میں نے کے ۔ای سے گریجویشن کیا ہے، پھر اس نے اپنے آپ کو لیڈی ہیلتھ وزیٹر قرار دیا لیکن اس کے پاس کوئی سرٹیفیکٹ نہیں تھا۔اسی دوران اس کا شوہر، جو جناح ہسپتال میں آپریشن ٹیکنیشن کا کام کرتاہے، بھی آگیا اورڈرانے دھمکانے کی کوشش کی ۔اس کا کہناتھا کہ ہمارے ساتھ مختلف سرجنز کام کرتے ہیں، دونوں میاں بیوی کلینک کی رجسٹریشن کی دستاویز بھی نہ دکھا سکے۔چیف ڈرگ انسپکٹرکے مطابق ان کے خلاف قانونی کارروائی ہوگی ۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔