شہر میں مزید 9افراد ڈنگی میں مبتلا ہوگئے

کراچی: کراچی میں مزید9 افراد میں ڈنگی وائرس کی تصدیق کردی گئی ہے، سرکاری اعدادوشمارکے مطابق رواں سال کے دوران متاثرہ مریضوں کی تعداد470 ہوگئی ہے۔

جبکہ مختلف ماہرین کا کہنا ہے کہ اب تک ایک ہزار سے زائد مریضوں میں ڈنگی وائرس کی تصدیق کی گئی ہے ، ان ماہرین نے بتایا کہ صوبائی ڈنگی سرویلنس سیل صرف چند اسپتالوںکی رپورٹ جاری کرتا ہے، ماہرین نے بتایا کہ امسال ڈنگی وائرس کی شدت گزشتہ سال کے مقابلے میں کم ہے لیکن ضرورت اس امر کی ہے کہ سرویلنس سیل جن علاقوں میں ڈنگی وائرس کے زیادہ کیسز رپورٹ ہورہے ہیں ان علاقوں کو نشاہدہی کی جائے اوروہاں اسپرے کرانے کیلیے متعلقہ حکام پر زوردیں، ماہرین نے بتایا کہ کراچی کے مختلف اسپتالوں میں متاثرہ مریضوںکا علاج جاری ہے۔