- ایرانی صدر ابراہیم رئیسی کراچی پہنچ گئے
- مثبت معاشی اشاریوں کے باوجود اسٹاک مارکیٹ میں مندی کا رجحان
- اسلام آبادہائیکورٹ کے فل کورٹ اجلاس میں خط لکھنے والے 6 ججوں کی بھی شرکت
- اقوام متحدہ کے ادارے پر حماس کی مدد کا اسرائیلی الزام جھوٹا نکلا
- نشے میں دھت مسافر نے ایئرہوسٹس پر مکے برسا دیئے؛ ویڈیو وائرل
- سعودیہ سے دیر لوئر آئی خاتون 22 سالہ نوجوان کے ساتھ لاپتا، تلاش شروع
- بیوی کی ناک اور کان کاٹنے والا سفاک ملزم ساتھی سمیت گرفتار
- پنجاب میں پہلے سے بیلٹ باکس بھرے ہوئے تھے، چیئرمین پی ٹی آئی
- ٹریفک وارڈنز لاہور نے ایمانداری کی ایک اور مثال قائم کر دی
- مسجد اقصی میں دنبے کی قربانی کی کوشش پر 13 یہودی گرفتار
- پنجاب کے ضمنی انتخابات میں پولیس نے مداخلت کی، عمران خان
- 190 ملین پاؤنڈز کیس؛ وکلا کی جرح مکمل، مزید 6 گواہوں کے بیان قلمبند
- حکومت تمام اخراجات ادھار لے کر پورا کررہی ہے، احسن اقبال
- لاپتا افراد کا معاملہ بہت پرانا ہے یہ عدالتی حکم پر راتوں رات حل نہیں ہوسکتا، وزرا
- ملائیشیا میں فوجی ہیلی کاپٹرز آپس میں ٹکرا گئے؛ 10 اہلکار ہلاک
- عالمی اور مقامی مارکیٹ میں سونے کی قیمت میں آج بھی بڑی کمی
- قومی ٹیم میں بیٹرز کی پوزیشن معمہ بن گئی
- نیشنل ایکشن پلان 2014 پر عملدرآمد کیلیے سپریم کورٹ میں درخواست دائر
- پختونخوا کابینہ میں بجٹ منظوری کیخلاف درخواست پر ایڈووکیٹ جنرل کو نوٹس
- وزیراعظم کا ٹیکس کیسز میں دانستہ التوا کا نوٹس؛ چیف کمشنر ان لینڈ ریونیو اسلام آباد معطل
دفاعی نمائش سے دنیا کو پاکستان کے محفوظ ملک ہونیکا پیغام ملا
کراچی: گورنر سندھ ڈاکٹر عشرت العباد خان نے کہا ہے کہ دفاعی ہتھیاروں کی نمائش کے شاندار انعقاد اور غیرملکی مندوبین اور کمپنیوں کی بڑی تعداد میں شرکت نے ثابت کردیا ہے کہ کراچی غیرملکی سرمایہ کاروں کے لیے محفوظ ہے۔
آئیڈیاز 2012کے دورے کے موقع پر میڈیا سے بات چیت کرتے ہوئے گورنر سندھ نے کہا کہ کراچی میں کچھ ناخوشگوار واقعات کے باوجود نمائش شاندار انداز میں جاری ہے، اس نمائش کا کراچی میں انعقاد خود اہلیان کراچی کے لیے اعزاز کی بات ہے، انھوں نے کہا کہ نمائش میں 50ملکوں کے مندوبین اور بڑی تعداد میں غیرملکی کمپنیاں شریک ہیں ایکسپو کے انعقاد سے دنیا کو پیغام ملا ہے کہ بالخصوص کراچی بالخصوص اور بالعموم پورا ملک سرمایہ کاری کیلیے موزوں اور محفوظ ہے، اس نمائش سے اس بات کی بھی نفی ہوئی ہے کہ یہاں تجارت اور سرمایہ کاری میں کسی قسم کی مشکلات حائل ہیں۔
گورنر سندھ نے نمائش میں مختلف ملکی اور غیر ملکی اسٹالز کا دورہ کیا اور دفاعی مقاصد کے لیے نمائش میں رکھی گئی مصنوعات کا معائنہ کیا، دریں اثنا ’’آئیڈیاز 2012 ء‘‘ میں شریک غیر ملکی وفود کے اعزاز میں گورنر ہائوس میں عشائیہ بھی دیا گیا، اس موقع پر وفاقی وزیر دفاعی پیداوار انور علی چیمہ ، سینیٹ کی مجلس عاملہ برائے دفاعی پیداوار کے چیئرمین سینیٹر مشاہد حسین سید، سینیٹر سحر کامران ، اسپیکر سندھ اسمبلی نثار کھوڑو، صوبائی وزرا منظور وسان، عادل صدیقی، کمشنر کراچی ہاشم رضا زیدی غیر ملکی سفارت کار، اعلیٰ سول و فوجی حکام اور دیگر شخصیات بھی موجود تھیں۔
گورنر سندھ نے کہا کہ 11 نومبر تک جاری رہنے والی اس بین الاقوامی نمائش میں 56 ممالک کی شرکت اس کی اہمیت ظاہر کرتی ہے دفاعی نمائش کو عالمی برادری میں قدر کی نگاہ سے دیکھا جاتا ہے،قبل ازیںمیجر جنرل طاہر اشرف خان نے استقبالیہ کلمات ادا کرتے ہوئے نمائش کے انعقاد میں گورنر سندھ کی خصوصی معاونت اور کاوشوں کو خراج تحسین پیس کیا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔