- موٹروے پولیس اہلکار کو کچلنے والی خاتون گرفتار
- ہندو جیم خانہ کیس؛ آپ کو قبضہ کرنے نہیں دیں گے، چیف جسٹس کا رمیش کمار سے مکالمہ
- بشری بی بی کو کچھ ہوا تو حکومت اور فیصلہ سازوں کو معاف نہیں کریں گے، حلیم عادل شیخ
- متحدہ وفد کی احسن اقبال سے ملاقات، کراچی کے ترقیاتی منصوبوں پر تبادلہ خیال
- کراچی میں سیشن جج کے بیٹے قتل کی تحقیقات مکمل،متقول کا دوست قصوروار قرار
- غزہ کے اسپتالوں میں اجتماعی قبروں نے اقوام متحدہ کو بھی خوفزدہ کردیا
- ایکس کی اسمارٹ ٹی وی ایپ متعارف کرانے کی تیاری
- جوائن کرنے کے چند ماہ بعد ہی اکثر لوگ ملازمت کیوں چھوڑ دیتے ہیں؟
- لڑکی کا پیار جنون میں تبدیل، بوائے فرینڈ نے خوف کے مارے پولیس کو مطلع کردیا
- تاجروں کی وزیراعظم کو عمران خان سے بات چیت کرنے کی تجویز
- سندھ میں میٹرک اور انٹر کے امتحانات مئی میں ہونگے، موبائل فون لانے پر ضبط کرنے کا فیصلہ
- امریکی یونیورسٹیز میں اسرائیل کیخلاف ہزاروں طلبہ کا مظاہرہ، درجنوں گرفتار
- نکاح نامے میں ابہام یا شک کا فائدہ بیوی کو دیا جائےگا، سپریم کورٹ
- نند کو تحفہ دینے کے ارادے پر ناراض بیوی نے شوہر کو قتل کردیا
- نیب کا قومی اسمبلی سیکریٹریٹ میں غیر قانونی بھرتیوں کا نوٹس
- رضوان کی انجری سے متعلق بڑی خبر سامنے آگئی
- بولتے حروف
- بغیر اجازت دوسری شادی؛ تین ماہ قید کی سزا معطل کرنے کا حکم
- شیر افضل کے بجائے حامد رضا چیئرمین پبلک اکاؤنٹس کمیٹی نامزد
- بیوی سے پریشان ہو کر خودکشی کا ڈرامہ کرنے والا شوہر زیر حراست
دفاعی نمائش، نوجوان اسلحے کے ساتھ تصاویر بنوانے میں مصروف
کراچی: دفاعی ہتھیاروں کی نمائش کے ایونٹ منیجر کی جانب سے لاتعداد کارپوریٹ پاسز جاری کیے جانے کے سبب حساس نوعیت کی دفاعی نمائش فیملی فیسٹیول بن کر رہ گئی ہے۔
اسلحے کے شوقین نوجوان لڑکے لڑکیوں اور افسران کے اہل خانہ کی بھرمار نمائش میں حصہ لینے والی غیرملکی کمپنیوں کے لیے دردسر بن گئی ہے، نمائش کے دوسرے روز سے ہی خواتین اور بچوں کی بڑی تعداد نمائش میں شریک ہے اور جگہ جگہ اسلحے کے ساتھ فوٹوسیشن جاری ہے جس سے نہ صرف نمائش میں غیرملکی مندوبین کی آمدورفت متاثر ہورہی ہے بلکہ اسٹالز پررکھے گئے ہتھیاروں کی دیکھ بھال بھی مسئلہ بنی ہوئی ہے، نوجوانوں کی بڑی تعداد جنگی جہازوں، ٹینک، بکتر بند گاڑیوں پر کھڑے ہوکر تصاویر بنوارہے ہیں جبکہ اسٹالز پر رکھے ہوئے ہتھیار بھی ماڈلنگ کا ذریعہ بنے ہوئے ہیں، صورتحال سے تنگ آکر غیرملکی کمپنیوں نے اسٹالز سے اپنے ہتھیار اور آلات ہٹانے شروع کردیے ہیں، بہت سے اسٹالز پر منچلوں کے ہاتھوں ہتھیاروں کے زمین پر گرنے اور غلط طریقے سے لوڈ اور فائر کرنے سے بھی اسٹالز ہولڈر شدید مضطرب نظر آئے۔
نمائش میں شرکت کے لیے جانے والے طلبا کو چوتھے روز بھی داخلے کی اجازت نہیں دی گئی، نمائش میں سویلین کا داخلہ بند ہونے کے باوجود اتنی بڑی تعداد میں فیملیز کے ہمراہ شیرخوار اور نوزائیدہ بچوں کے ہمراہ شرکت پر ملکی کمپنیوں کے ساتھ غیرملکی کمپنیوں کے نمائندے بھی حیرت میں مبتلا ہیں، ایک غیرملکی کمپنی کے نمائندے کے مطابق دنیا بھر میں دفاعی نمائشیں 2سے 3روز کے لیے منعقد کی جاتی ہیں جہاں انتہائی سنجیدہ اور پروفیشنل ماحول میں کمپنیوں کو ایک دوسرے کی مصنوعات کے بارے میں آگاہی حاصل کرنے اور بزنس ڈیل کرنے کے لیے سازگار ماحول فراہم کیا جاتا ہے لیکن پاکستان میں ہونے والی نمائش اس کے بالکل برعکس ہے۔
ادھر نمائش کے منتظمین نے ایک ہفتے تک بدترین ٹریفک جام اور اہم ترین سڑکوںکی بندش کے دوران اذیت کا شکار ہونے کے باوجود عوام کو شرکت کا موقع دیے بغیر نمائش اتوار کو ختم کرنے کا اعلان کردیا ہے، منتظمین کے مطابق نمائش کی اختتامی تقریب 3بجے سہ پہر منعقد ہوگی جس میں وزیر دفاعی پیداوار؍سیکریٹری پیداوار اختتامی کلمات ادا کریں گے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔