- پولیس سرپرستی میں اسمگلنگ کی کوشش؛ سندھ کے سابق وزیر کی گاڑی سے اسلحہ برآمد
- ساحل پر گم ہوجانے والی ہیرے کی انگوٹھی معجزانہ طور پر مل گئی
- آئی ایم ایف بورڈ کا شیڈول جاری، پاکستان کا اقتصادی جائزہ شامل نہیں
- رشتہ سے انکار پر تیزاب پھینک کر قتل کرنے کے ملزم کو عمر قید کی سزا
- کراچی؛ دو بچے تالاب میں ڈوب کر جاں بحق
- ججوں کے خط کا معاملہ، اسلام آباد ہائیکورٹ نے تمام ججوں سے تجاویز طلب کرلیں
- خیبرپختونخوا میں بارشوں سے 36 افراد جاں بحق، 46 زخمی ہوئے، پی ڈی ایم اے
- انٹربینک میں ڈالر کی قدر میں تنزلی، اوپن مارکیٹ میں معمولی اضافہ
- سونے کے نرخ بڑھنے کا سلسلہ جاری، بدستور بلند ترین سطح پر
- گداگروں کے گروپوں کے درمیان حد بندی کا تنازع؛ بھیکاری عدالت پہنچ گئے
- سائنس دانوں کی سائبورگ کاکروچ کی آزمائش
- ٹائپ 2 ذیا بیطس مختلف قسم کے سرطان کے ساتھ جینیاتی تعلق رکھتی ہے، تحقیق
- وزیراعظم کا اماراتی صدر سے رابطہ، موسمیاتی تبدیلی سے نمٹنے کے لیے مشترکہ اقدامات پر زور
- پارلیمنٹ کی مسجد سے جوتے چوری کا معاملہ؛ اسپیکر قومی اسمبلی نے نوٹس لے لیا
- گزشتہ ہفتے 22 اشیا کی قیمتیں بڑھ گئیں، ادارہ شماریات
- محکمہ موسمیات کی کراچی میں اگلے تین روز موسم گرم و مرطوب رہنے کی پیش گوئی
- بھارت؛ انسٹاگرام ریل بنانے کی خطرناک کوشش نے 21 سالہ نوجوان کی جان لے لی
- قطر کے ایئرپورٹ نے ایک بار پھر دنیا کے بہترین ایئرپورٹ کا ایوارڈ جیت لیا
- اسرائیلی بمباری میں 6 ہزار ماؤں سمیت 10 ہزار خواتین ہلاک ہوچکی ہیں، اقوام متحدہ
- 14 دن کے اندر کے پی اسمبلی اجلاس بلانے اور نومنتخب ممبران سے حلف لینے کا حکم
لیاقت آباد میں پانی و بجلی کی عدم فراہمی پر مکین سراپا احتجاج
کراچی: لیاقت آباد میں پانی و بجلی کی عدم فراہمی کے باعث علاقہ مکین سڑک پر نکل آئے اور احتجاج کیا ۔
مظاہرین نے بتایا کہ گجر نالے پر تعمیراتی کام کی وجہ سے ان کے علاقے میں 3 روز سے بجلی بند ہے جبکہ پانی کی سپلائی بھی معطل ہے،کام کے دوران بجلی کی تنصیبات ہٹادی گئیں اور کسی قسم کے کوئی متبادل انتظامات نہیں کیے گئے ، اس دوران نامعلوم افراد نے گجر نالہ پل پر رکاوٹیں کھڑی کرکے سڑک ٹریفک کے لیے بند کردی جبکہ ٹائر بھی نذر آتش کیے ، مظاہرے کے باعث ناظم آباد اور لیاقت آباد 10 نمبر کے درمیان ٹریفک معطل ہوگیا اور اطراف کے علاقوں میں بدترین ٹریفک جام ہوگیا ، تفصیلات کے مطابق لیاقت آباد 4 نمبر کے علاقے میں پانی اور بجلی کی عدم فراہمی کے باعث گزشتہ روز علاقہ مکین سڑک پر نکل آئے اور احتجاج کیا ۔
مظاہرین نے ایکسپریس سے گفتگو میں بتایا کہ 4 نمبر اور متصل علاقے میں گزشتہ تین روز سے بجلی غائب ہے جس کی وجہ سے ان کے معمولات زندگی شدید متاثر ہیں اور ان کی زندگی اجیرن ہوگئی ہے ، گھروں میں خصوصاً خواتین اور بچوں کو انتہائی دشواریوں کا سامنا ہے ، بجلی نہ ہونے کے باعث علاقے میں پانی کی فراہمی بھی معطل ہے اور وہ دہرے عذاب میں مبتلا ہیں ، مظاہرین نے مزید بتایا کہ علاقے میں گجر نالے پر تعمیراتی کام جاری ہے جس کے دوران بجلی کے کھمبے اور دیگر تنصیبات یہاں سے منتقل کردی گئی ہیں لیکن علاقے میں بجلی کی فراہمی کے متبادل انتظامات نہیں کیے گئے ہیں جس کا خمیازہ علاقہ مکینوں کو بھگتنا پڑرہا ہے ۔
ان کا کہنا تھا کہ متعلقہ اداروں کی ناقص پالیسیوں کے باعث وہ گزشتہ تین روز سے پانی اور بجلی جیسی بنیادی سہولتوں سے محروم ہیں ، مظاہرے کے دوران نامعلوم افراد نے سڑک پر رکاوٹیں کھڑی کردیں ، اس دوران نامعلوم افراد نے سڑک پر ٹائر بھی نذر آتش کیے اور گاڑیوں پر پتھرائو کیا جس سے متعدد گاڑیوں کے شیشے ٹوٹ گئے ، مظاہرے کے باعث ناظم آباد اور لیاقت آباد 10 نمبر کے درمیان ٹریفک معطل ہوکر رہ گیا ، احتجاج کی وجہ سے ناظم آباد فلائی اوور ، سائٹ ایریا ، ناظم آباد 7 نمبر ، میٹرک بورڈ آفس جبکہ دوسری جانب لیاقت آباد ، کریم آباد ، نیرنگ ، لیاقت آباد ڈاکخانہ ، گلشن اقبال ، عیسیٰ نگری اور متصل شاہراہوں پر بدترین ٹریفک جام ہوگیا اور گاڑیوں کی طویل قطاریں لگ گئیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔