وزیراعظم نے ’’الیکشن فکسر‘‘ کو کرکٹ فکس کرنے کیلئے لگادیا عمران خان

پاکستان میں کرکٹ کو بحیثیت ادارہ استحکام اس لیے نہ مل سکا کیونکہ اس کا سربراہ وزیر اعظم مقرر کرتا ہے،عمران خان

ویب ڈیسک March 27, 2016

پاکستانی کرکٹرز صلاحتیوں سے مالا مال ہیں لیکن ان میں مستقل مزاجی نہیں، عمران خان فوٹو: فائلل

لیجنڈ پاکستانی کرکٹر عمران خان کا کہنا ہے کہ قومی کرکٹ ٹیم کی زبوں حالی کے ذمہ دار وزیر اعظم نواز شریف ہیں جنہوں نے الیکشن فکسر کو کرکٹ فکس کرنے پر لگا دیا ۔

سماجی رابطے کی ویب سائیٹ ٹوئٹر پر ٹوئٹ کرتے ہوئے عمران خان نے کہا کہ کرکٹ کے میدان میں ناکامی کی صحیح وجوہات کا تعین ہی قومی ٹیم کو دنیا میں دوبارہ صف اول کی ٹیم بناسکتا ہے، غلط تجزیوں کے تحت اٹھائے گئے اقدامات کے نتائج ہمیشہ ناکامی کی صورت میں ہی نکلتے ہیں۔ انہوں نے کہا کہ پاکستان میں کرکٹ کو بحیثیت ادارہ استحکام اس لیے نہ مل سکا کیونکہ اس کا سربراہ وزیر اعظم مقرر کرتا ہے۔ وزیر اعظم نواز شریف نے الیکشن فکسر کو کرکٹ کا فکسر بنادیا۔

The reason cricket has, unlike elsewhere, failed to become an institution in Pak is because here PM appoints PCB Chief.
— Imran Khan (@ImranKhanPTI) March 27, 2016

We have a PM who has perfected the art of cronyism & appointed an "election fixer" to "fix" Pak cricket.
— Imran Khan (@ImranKhanPTI) March 27, 2016

لیجنڈ کرکتڑ نے پاکستان میں کرکٹ کی بحالی کے لئے 2 نکاتی لائحہ عمل پیش کرتے ہوئے کہا کہ سب سے پہلے کرکٹ کو سیاسی دباؤ سے پاک کیا جائے، ہمارے کھلاڑیوں میں بے پناہ صلاحیتیں موجود ہیں لیکن ہمارے کھلاڑیوں میں تیکنک اور مستقل مزاجی کی کمی ہے، مستقل مزاجی صرف اعلیٰ اور سخت معیاری مقابلوں سے آتی ہے، جس طرح آسٹریلیا میں کرکٹ کا سارا ٹیلنٹ 6 مقامی ریجنز پر مشتمل ٹیموں میں آتا ہے اور وہیں بین الاقوامی کرکٹ کا حصہ بننے کے لیے ان میں مقابلہ ہوتا ہے، اسی طرح پاکستان میں بھی 6 رینجز پر مشتمل ڈومیسٹک مقابلے ہونے چاہئیں اور ان ریجنز کو اسپانسر کیا جائے۔

Here is my strategy for reforming cricket in Pakistan: One: to make cricket an institution we have to insulate it from political pressure.
— Imran Khan (@ImranKhanPTI) March 27, 2016

Two: Despite an abundance of talent, our players lack temperament & technique, leading to performance inconsistencies.
— Imran Khan (@ImranKhanPTI) March 27, 2016

عمران خان نے کہا کہ نیوزی لینڈ کی کل آبادی 45 لاکھ ہے لیکن وہاں ہمارے ملک سے زیادہ کرکٹ اسٹیڈیم ہیں۔ غیر ضروری اقدمات پر پیسا خرچ کیے جانے کے بجائے ہمیں اپنے ملک میں کرکٹ اسٹیڈیم بنانا ہوں گے۔