بھارتی ریاست آسام میں ایک بار پھر کشیدگی،3مسلمان شہید

نئی دہلی / کوکراجھار: بھارتی ریاست آسام میں بوڈو قبائلیوں اور مسلمانوں کے درمیان ایک بار پھرکشیدگی پیدا ہوگئی، تشدد کے تازہ واقعات میں 3 مسلمان شہید اور5 زخمی ہو گئے۔

آسام کے وزیر اعلیٰ گوگوئی نے پولیس کو سخت اقدامات کرنے کی ہدایت کردی۔ پیر کو ایرانی میڈیا کی رپورٹ کے مطابق بھارت کی ریاست آسام میں بوڈو قبائلیوں اور مسلمانوں کے درمیان ایک بار پھرکشیدگی پیدا ہوگئی، تشدد کے تازہ واقعات میں 3 مسلمان شہید اور5 زخمی ہو گئے۔ آسام کے کوکراجھار ضلع میں نامعلوم مسلح افراد نے الگ الگ واقعات میں 3 افراد کو گولی مار کرشہید کردیا جس کے بعد بی ٹی سی کے علاقوں میں جنہیں فرقہ وارانہ اعتبار سے حساس سمجھا جاتا ہے میں سکیورٹی سخت کردی گئی ہے ۔ رپورٹ کے مطابق اس موقع پر فریقین کے مابین شدید پتھراؤ میں 5 افراد شدید زخمی ہوگئے۔ تشدد کے تازہ واقعات کے بعد آسام کے وزیر اعلی گوگوئی نے پولیس کو سخت اقدامات کرنے کی ہدایت دی ہے۔