- کرپٹو کرنسی فراڈ اسکینڈل میں سام بینک مین فرائڈ کو 25 سال قید
- کراچی، تاجر کو قتل کر کے فرار ہونے والی بیوی آشنا سمیت گرفتار
- ججز کے خط کی انکوائری، وفاقی کابینہ کا اجلاس ہفتے کو طلب
- امریکا میں آہنی پل گرنے کا واقعہ، سمندر سے دو لاشیں نکال لی گئیں
- خواجہ سراؤں نے اوباش لڑکوں کے گروہ کے رکن کو پکڑ کر درگت بنادی، ویڈیو وائرل
- پی ٹی آئی نے ججز کے خط پر انکوائری کمیشن کو مسترد کردیا
- عدالتی امور میں ایگزیکٹیو کی مداخلت کسی صورت برداشت نہیں کی جائے گی، فل کورٹ اعلامیہ
- وفاقی حکومت نے کابینہ کی ای سی ایل کمیٹی کی تشکیل نو کردی
- نوڈیرو ہاؤس عارضی طور پر صدرِ مملکت کی سرکاری رہائش گاہ قرار
- یوٹیوبر شیراز کی وزیراعظم شہباز شریف سے ملاقات
- حکومت کا بجلی کی پیداواری کمپنیوں کی نجکاری کا فیصلہ
- بونیر میں مسافر گاڑی کھائی میں گرنے سے ایک ہی خاندان کے 8 افراد جاں بحق
- بجلی 2 روپے 75 پیسے فی یونٹ مہنگی کردی گئی
- انٹربینک اور اوپن مارکیٹ میں ڈالر کی نسبت روپیہ تگڑا
- حکومت نے 2000 کلومیٹر تک استعمال شدہ گاڑیاں درآمد کرنے کی اجازت دیدی
- کراچی: ڈی آئی جی کے بیٹے کی ہوائی فائرنگ، اسلحے کی نمائش کی ویڈیوز وائرل
- انوار الحق کاکڑ، ایمل ولی بلوچستان سے بلامقابلہ سینیٹر منتخب
- جناح اسپتال میں خواتین ڈاکٹروں کو بطور سزا کمرے میں بند کرنے کا انکشاف
- کولیسٹرول قابو کرنیوالی ادویات مسوڑھوں کی بیماری میں مفید قرار
- تکلیف میں مبتلا شہری کے پیٹ سے زندہ بام مچھلی برآمد
پیپلز پارٹی بلوچستان نے صوبائی حکومت غیر آئینی قرار دیدی، اسمبلی کا رئیسانی پر اظہار اعتماد
کوئٹہ: بلوچستان اسمبلی میں وزیراعلیٰ نواب محمداسلم رئیسانی پر اعتماد کے حوالے سے پیش کی گئی مشترکہ قرارداد منظورکرلی گئی۔
بی این پی عوامی کے پارلیمانی لیڈرصوبائی وزیر سیداحسان شاہ نے ایوان میں قرارداد پیش کی،64 کے ایوان میں موجود تمام44ارکان نے قرارداد کی حمایت کی جس پر قرارداد کو منظورکرلیاگیا، وزیراعلیٰ بلوچستان نے اعتماد کی قرارداد منظورکرنے پرمخلوط حکومت میں شامل جماعتوں کے ارکان کا شکریہ اداکیاہے اورکہا کہ وہ ان عناصر کی مذمت کرتے ہیں جنھوں نے جمہوریت پر شب خون مارا۔
اسمبلی کا اجلاس قائم مقام اسپیکر سید مطیع اﷲ آغا کی صدارت میں ہواتوایوان میں وزیراعلیٰ سینئر صوبائی وزیر اورصوبائی وزراکی جانب سے بلوچستان کی مجموعی صورتحال پر جائزہ لینے کیلیے ایوان میں مشترکہ قرارداد پیش کی گئی جس پر ارکان نے صوبے میں امن وامان اور دوسرے مسائل پر تفصیلی بحث کی اور قرارداد کومتفقہ طورپر منظورکرلیاگیاجس کے بعد بی این پی عوامی کے پارلیمانی لیڈرسید احسان شاہ نے ایوان میں وزیراعلیٰ بلوچستان پراعتماد کے حوالے سے قرارداد پیش کی جسے ایوان میں موجود44ارکان نے متفقہ طورپر منظورکرلیا۔
قرارداد کی منظوری کے بعد وزیراعلیٰ اور اراکین نے ایک دوسرے کو مبارکباد پیش کی جس کے بعد اسپیکر نے اجلاس غیر معینہ مدت کیلیے ملتوی کردیا۔ادھربلوچستان اسمبلی میں اسپیکراسلم بھوتانی کے خلاف عدم اعتمادکی تحریک لانے کابھی اصولی فیصلہ کرلیاگیا جس کیلیے مخلوط حکومت میں شامل جماعتوں سے صلاح ومشورہ شروع کردیاگیا،حکومتی ذرائع کے مطابق وزیراعلیٰ نواب محمداسلم رئیسانی پر اراکین اسمبلی کے اعتماد کے ووٹ کے بعداب اسپیکر بلوچستان اسمبلی کے خلاف تحریک عدم اعتماد لانے کا فیصلہ کرلیاگیا۔
ذرائع کا دعویٰ ہے کہ اس حوالے سے صوبائی مخلوط حکومت میں شامل جماعتوں کے ساتھ باقاعدہ مشاورت کا سلسلہ شروع کردیاگیا ہے اور باہمی مفاہمت سے ہی اسپیکر کے خلاف تحریک عدم اعتماد پیش کردی جائے گی،دوسری طرف اسپیکر بلوچستان اسمبلی جو اس وقت قائم مقام گورنر بلوچستان کی حیثیت سے ذمہ داریاں سنبھال رکھی ہیں اسلام آباد پہنچ گئے ہیں اور اس حوالے سے انھوں نے ایوان صدر سے بھی رابطہ کرلیا ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔