- کراچی میں مرکزی مویشی منڈی کب اور کہاں سجے گی؟
- پاکستان ویسٹ انڈیز ویمن ٹی ٹوئنٹی سیریز کا پہلا میچ آج کھیلا جائے گا
- اسحاق ڈار کی پی ٹی آئی کو ساتھ کام کرنے کی پیش کش
- ٹی ٹوئنٹی ورلڈ کپ 2024 کی ٹرافی پاکستان پہنچ گئی، اسلام آباد میں رونمائی
- وزیر مملکت برائے آئی ٹی شزہ فاطمہ سے میٹا کے وفد کی ملاقات
- برطانیہ کا ایرانی ڈرون انڈسٹری پر نئی پابندیوں کا اعلان
- سزا اور جزا کے بغیر سرکاری محکموں میں اصلاحات ممکن نہیں، وزیر اعظم
- چوتھا ٹی ٹوئنٹی: نیوزی لینڈ کے ہاتھوں پاکستان کو مسلسل دوسری شکست
- حماس کی قید میں موجود اسرائیلی یرغمالی کی نئی ویڈیو جاری
- جامعہ کراچی میں قائم یونیسکو چیئرکے ڈائریکٹر ڈاکٹراقبال چوہدری سبکدوش
- تنزانیہ میں طوفانی بارشیں؛ سیلاب اور لینڈ سلائیڈنگ سے 155 افراد ہلاک
- ججز کو دھمکی آمیز خطوط؛ سپریم کورٹ کا لارجر بینچ 30 اپریل کو سماعت کریگا
- متحدہ عرب امارات کی مارکیٹ میں پاکستانی گوشت کی طلب بڑھ گئی
- زرمبادلہ کے ذخائر میں گزشتہ ہفتے 9 کروڑ 30 لاکھ ڈالر کی کمی
- فوج سے کوئی اختلاف نہیں، ملک ایجنسیز کے بغیر نہیں چلتے، سربراہ اپوزیشن گرینڈ الائنس
- جوحلف نامہ مجھ پر لاگو وہ تمام ججوں،جرنیلوں پر بھی لاگو ہو گا : واوڈا
- اگر حق نہ دیا تو حکومت گرا کر اسلام آباد پر قبضہ کرلیں گے، علی امین گنڈاپور
- ڈالر کی انٹر بینک قیمت میں اضافہ، اوپن مارکیٹ میں قدر گھٹ گئی
- قومی اسمبلی: خواتین ارکان پر نازیبا جملے کسنے کیخلاف مذمتی قرارداد منظور
- پاکستان نے انسانی حقوق سے متعلق امریکی ’متعصبانہ‘ رپورٹ مسترد کردی
ریکوڈک پر عالمی ثالثی روکنے کی درخواست سماعت کیلیے منظور
اسلام آباد / لاہور: سپریم کورٹ نے ریکوڈک کیس میں عالمی ثالثی ٹربیونل کو ثالثی سے روکنے کیلیے درخواست گزار مولانا عبدالحق بلوچ کی اضافی معروضات کی درخواست سماعت کیلیے منظورکرکے فریقین کو نو ٹس جاری کر دیے ہیں۔
اضافی معروضات کی درخواست پٹیشنرکے وکیل رضا کاظم نے جمع کرائی جس میں عالمی ثالثی ٹربیونل کو ثالثی سے روکنے کیلیے عبوری حکم جاری کرنے کی استدعا کی گئی ہے۔چیف جسٹس افتخارمحمدچوہدری کی سربراہی میں 3 رکنی بینچ نے سماعت کی۔ رضا کاظم نے بتایا کہ جوائنٹ وینچرکا معاہدہ غیر قانونی ہے اس لیے ثالثی ٹربیونل کو اس پر ثالثی کا اختیار نہیں۔انھوں نے کہا اگر معاہدہ غیر قانونی ہے تو اس پر ثالثی نہیں ہو سکتی ۔چیف جسٹس نے کہا پاکستان کی عدالت کسی کاغذی کمپنی کو تسلیم نہیںکرے گی۔
دستاویزات بتائیںگی کہ کمپنی اصل ہے یا نقل،لائسنس کب اورکیسے جاری ہوا اورکس کو فروخت ہوا اس بارے میں تمام متعلقہ دستاویزات سامنے ہونی چاہئیں، چیف جسٹس نے کہا اگر ایک خود مختار ریاست اپنا مقدمہ نہ لڑنا چاہے تو عدالت کیا کر سکتی ہے ۔ایڈووکیٹ جنرل امان اللہ کنرانی نے بتایا کمپنی کو ایک ہزار مربع کلومیٹر علاقے کالائسنس دیا گیا جو رولز میں نرمی کرکے13 ہزار مربع کلومیٹر علاقے تک بڑھایا دیا گیا۔آسٹریلوی کمپنی کے وکیل حفیظ پیزادہ نے جب سوالات اٹھائے تو جسٹس گلزاراحمد نے کہا کہ آسٹریلوی کمپنی اپنے حقوق آگے بیچ چکی ہے، کیس سے اس کا کوئی تعلق نہیں۔عدالت نے معاہدے کے تمام نکات بھی طلب کر لیے ہیں۔
این این آئی کے مطابق رضا کاظم نے کہا کہ لائسنس دینے والی اتھارٹی اور فریق کمپنیوںکے درمیان ثالثی کا معاہدہ نہیں، آئی سی سی یا کوئی ثالثی ٹربیونل کیس نہیں سن سکتا، سپریم کورٹ اس حوالے سے عبوری حکم جاری کرے ۔ دریں اثناء ریکوڈک منصوبے کا ٹھیکہ حاصل کرنے والی کمپنی ٹی تھیان کیخلاف سپریم کورٹ لاہور رجسٹری میں توہین عدالت کی درخواست دائرکر دی گئی۔ درخواست گزاربیرسٹر ظفراللہ نے موقف اختیارکیا ہے کہ سپریم کورٹ میں زیر التوامقدمے سے متعلق عالمی عدالت میں درخواست دائرکرنا پاکستانی عدالتوںکی توہین کے زمرے میں آتا ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔