اوول ٹیسٹ:انگلینڈ385رنز پر آئوٹ،پرائر کی نصف سنچری،مورکل نے 4وکٹیں لیں

لندن: اوول ٹیسٹ کے دوسرے دن اوپنر الویرو پیٹرسن کے صفر پر آئوٹ ہونے کے بعد جنوبی افریقہ نے کھیل کے اختتام تک 37 اوورز میں86رنز بنالیے، ہاشم آملا47اور گریم اسمتھ 37پر کھیل رہے تھے۔

اس سے قبل میزبان ٹیم پہلی اننگز میں 385کا مجموعہ ترتیب دے کر آئوٹ ہوگئی، اختتامی7وکٹیں اسکور میں 118 کے اضافے سے گریں، انگلش اوپنر السٹر کک نے  115 رنز کی شاندار اننگز کھیلنے کے بعد آئوٹ ہوئے، میٹ پرائر نے 90 گیندوں پر 60 کی اننگز کھیلی، انھیں 17 کے انفرادی اسکور پر ایک چانس بھی ملا، مورن مورکل نے 4 جبکہ ڈیل اسٹین اور کیلس نے 2،2وکٹیں لیں۔