- انٹربینک میں ڈالر کی قدر میں تنزلی، اوپن مارکیٹ میں معمولی اضافہ
- سونے کے نرخ بڑھنے کا سلسلہ جاری، بدستور بلند ترین سطح پر
- گداگروں کے گروپوں کے درمیان حد بندی کا تنازع؛ بھیکاری عدالت پہنچ گئے
- سائنس دانوں کی سائبورگ کاکروچ کی آزمائش
- ٹائپ 2 ذیا بیطس مختلف قسم کے سرطان کے ساتھ جینیاتی تعلق رکھتی ہے، تحقیق
- وزیراعظم کا اماراتی صدر سے رابطہ، موسمیاتی تبدیلی سے نمٹنے کے لیے مشترکہ اقدامات پر زور
- پارلیمنٹ کی مسجد سے جوتے چوری کا معاملہ؛ اسپیکر قومی اسمبلی نے نوٹس لے لیا
- گذشتہ ہفتے 22 اشیا کی قیمتیں بڑھ گئیں، ادارہ شماریات
- محکمہ موسمیات کی کراچی میں اگلے تین روز موسم گرم و مرطوب رہنے کی پیش گوئی
- بھارت؛ انسٹاگرام ریل بنانے کی خطرناک کوشش نے 21 سالہ نوجوان کی جان لے لی
- قطر کے ایئرپورٹ نے ایک بار پھر دنیا کے بہترین ایئرپورٹ کا ایوارڈ جیت لیا
- اسرائیلی بمباری میں 6 ہزار ماؤں سمیت 10 ہزار خواتین ہلاک ہوچکی ہیں، اقوام متحدہ
- 14 دن کے اندر کے پی اسمبلی اجلاس بلانے اور نومنتخب ممبران سے حلف لینے کا حکم
- ایل ڈی اے نے 25 ہاﺅسنگ سوسائٹیوں کے پرمٹ اور مجوزہ لے آﺅٹ پلان منسوخ کردیے
- امریکا نے اقوام متحدہ میں فلسطین کی مستقل رکنیت کی قرارداد ویٹو کردی
- وزیراعظم کا اسمگلنگ کے خاتمے کے لیے ملک گیر مہم تیز کرنے کا حکم
- جی-7 وزرائے خارجہ کا اجلاس؛ غزہ میں جنگ بندی کا مطالبہ
- پنڈی اسٹیڈیم میں بارش؛ بھارت نے چیمپیئنز ٹرافی کی میزبانی پر سوال اٹھادیا
- اس سال ہم بھی حج کی نگرانی کرینگے شکایت ملی تو حکام کو نہیں چھوڑیں گے، اسلام آباد ہائیکورٹ
- بشریٰ بی بی کو کھانے میں ٹائلٹ کلینر ملا کر دیا گیا، عمران خان
پارلیمنٹ کوبالادست بنانے کا عمل جاری رہے گا،وزیراعظم
اسلام آباد: وزیراعظم راجہ پرویز اشرف نے کہا ہے کہ پارلیمنٹ کو مضبوط بنانے اور اس کی بالادستی کے ایجنڈے پر عملدر آمدجاری رہے گا ، جمہوری و سیاسی قوتوں کے درمیان ہم آہنگی کیلیے کوئی کسراٹھا نہ رکھیںگے،تمام سیاسی جماعتوں کو بھی اپنی اس ذمے داری کا احساس کرنا چاہیے۔
ان خیالات کا اظہار انھوں نے جمعے کوعوامی نیشنل پارٹی کے وفداورنائب وزیر اعظم چوہدری پرویز الٰہی سے الگ الگ ملاقاتوں میں کیا۔ اے این پی کے وفد نے وزیر اعظم کے دورہ افغانستان پر بھی تبادلہ خیال کیا گیا۔ ثناء نیوز کے مطابق وزیر اعظم نے کہا کہ ہمارا کوئی ذاتی یا پارٹی ایجنڈا نہیں ، ہم سیاسی وابستگیوں سے بالاتر ہو کر پارلیمنٹ کی بالادستی کا ایجنڈا اختیار کیے ہوئے ہیں ۔ادھر وزیر اعظم کی زیر صدارت سرمایہ کاری بورڈ کا اجلاس ہوا جس میں انھوں نے غیر ملکی سر مایہ کاروں کو پاکستان میں سرمایہ کاری کی ترغیبات دینے کیلیے قواعد وضوابط میں ضروری ترامیم کی ہدایت کی،وزیر اعظم نے سر مایہ کاری بورڈ فنڈ کے قیام کی بھی اصولی منظوری دی ۔
اجلاس سے خطاب میں پرویز اشرف کا کہنا تھا کہ معاشی استحکام کیلیے سر مایہ کاری کا فروغ نا گزیر ہے، وزیراعظم نے سرمایہ کاری بورڈ اور وزارت خزانہ کو ہدایت کی کہ جدید ترین ٹیکنالوجی کے ساتھ موٹر سائیکل مینوفیکچرنگ، جنوبی کوریا کے لوٹی گروپ کے پیوریفائیڈ ٹیری پتھیلک ایسڈ پراجیکٹ، ایل این جی کی درآمد اور اسلام آباد میں سعودی کمپنی کے اہم منصوبے ’’سنٹورس‘‘ کو چند ماہ کے اندر کلیئر کیا جائے جو تقریباً 1.8ارب ڈالر سرمایہ کاری کے حامل ہیں۔
علاوہ ازیں وزیراعظم سے چیئرمین نادرا طارق ملک نے ملاقات کی اور انھیں جدید اسمارٹ این آئی سی کارڈ پیش کیا ، اسمارٹ این آئی سی کارڈ 36سیکیورٹی خصوصیات کا حامل ہے اور تکنیکی لحاظ سے جدیدترین کارڈ ہے۔ وزیراعظم نے چیئرمین نادرا کواس حوالے سے کابینہ کو بریفنگ دینے کی ہدایت کی ۔چیئرمین نے بتایا کہ اسمارٹ این آئی سی کارڈ حکومت کو فلاحی ریاست کے مقاصد کے حصول میں معاون ہو گا کیونکہ یہ کارڈ رکھنے والے افراد نقد رقوم کی تقسیم کے پروگراموں، مالیاتی لین دین، برانچ لیس بینکنگ، ہیلتھ انشورنس، لائف انشورنس اور الیکٹرانک ووٹنگ جیسی سہولتوں سے مستفید ہو سکیں گے۔
وزیراعظم سے وزیر تجارت امین فہیم بھی ملے ، پرویز اشرف نے افغان حکومت کی طرف سے پاکستانی بزنس مینوں کو ملٹی پل ویزہ دینے پر شکریہ ادا کیا اورکہاکہ فیصلے سے کاروباری برادری کوفائدہ ہوگا۔وزیراعظم سے سابق سینیٹر رحمت اللہ کاکڑنے بھی ملاقات کی۔اے پی پی کے مطابق چوہدری شجاعت نے ملاقات میں ملتان میں پی پی پی کے امیدوار کی کامیابی پر وزیراعظم کو مبارکباد دی۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔