- دعائیہ تقریب پر مقدمہ؛ علیمہ خان کی درخواستِ ضمانت پر فیصلہ محفوظ
- سی او او کی تقرری کا معاملہ کھٹائی میں پڑنے لگا
- ’’شاہین آفریدی نے رضوان کو ٹی20 کرکٹ کا بریڈ مین قرار دے دیا‘‘
- ’’بابراعظم کو قیادت سے ہٹانے اور پھر دوبارہ لانے کا فیصلہ بھی آئیڈیل نہیں‘‘
- والد کی جانب سے چیلنج، بیٹے نے نوٹ جوڑنے کیلئے دن رات ایک کر دیے
- مینگروو کو مائیکرو پلاسٹک آلودگی سے خطرہ لاحق
- ویڈیو کانفرنس کے دوران اپنا چہرہ دیکھنا ذہنی تکان کا سبب بنتا ہے، تحقیق
- بانی پی ٹی آئی کی اہلیہ بشریٰ بی بی کی اچانک طبیعت خراب، بنی گالہ میں طبی معائنہ
- غیر ملکی وفود کی آمد، شاہراہ فیصل سمیت کراچی کی مختلف شاہراہیں بند رہیں گی
- سندھ اور بلوچستان میں گیس و خام تیل کی پیداوار میں اضافہ
- چین کی موبائل فون کمپنی کا پاکستان میں سرمایہ کاری کا اعلان
- آرمی چیف اور ایرانی صدر کی اہم ملاقات، سرحدی سلامتی اور علاقائی امن پر تبادلہ خیال
- اب کوئی ایمنسٹی اسکیم نہیں آئے گی بلکہ لوگوں کو ٹیکس دینا ہوگا، وزیر خزانہ
- شنگھائی الیکٹرک کمپنی نے کے الیکٹرک کے حصص خریدنے کی پیشکش واپس لے لی
- بھارتی ہٹ دھرمی؛ پاکستانی زائرین امیرخسرو کے عرس میں شرکت کیلیے ویزا کے منتظر
- پاک ایران صدور کی ملاقات، غزہ کیلئے بین الاقوامی کوششیں تیز کرنے پر زور
- پاکستان اور ایران کا دہشت گرد تنظیموں پر پابندی عائد کرنے کا اصولی فیصلہ
- وساکھی میلہ اورخالصہ جنم منانے کے بعد سکھ یاتری بھارت روانہ
- تحریک انصاف کا ضمنی الیکشن میں دھاندلی کے خلاف ملک گیر احتجاج کا اعلان
- 7 اکتوبر کا حملہ روکنے میں ناکامی پر اسرائیلی انٹیلیجنس چیف مستعفی
اسٹیمپ ڈیوٹی چوری کرنے والے اداروں کیخلاف کارروائی کا فیصلہ
کراچی: سندھ حکومت کی جانب سے اربوں روپے کی اسٹیمپ ڈیوٹی چوری کرنے والے نجی اداروں کے خلاف کارروائی کا فیصلہ کیا گیا ہے، اس ضمن میں نجی اداروں کی فہرستیں مرتب کی جا رہی ہیں جو کہ گذشتہ کئی سالوں سے مختلف جائیدادیں حاصل کرچکے ہیں
لیکن سندھ حکومت کو اسٹیمپ ڈیوٹی ادا نہیں کر رہے ہیں جس کی وجہ سے ایک طرف تو سندھ حکومت کے خزانے کو نقصان پہنچ رہا ہے اور دوسری جانب قیمتی جائیدادوں کی خرید و فروخت کے حوالے سے معاشی سرگرمیاں بھی متاثر ہو رہی ہیں،ذرائع کے مطابق اٹھارہویں ترمیم کے بعد حاصل ہونے والی صوبائی خود مختاری کے تحت سندھ حکومت نے سندھ ریونیو بورڈ کو تشکیل دیا جس کے نتیجے میں وفاق سے ملنے والی رقم سے 30 فیصد سے زائد رقم صرف ایک سال میں سیلز ٹیکس کی مد میں صوبے کو حاصل ہوئی ہے اسی طرح سندھ حکومت نے ٹیکس کے نیٹ کو مزید مضبوط کرنے کے لیے دیگر ریکوری کے شعبے پر خصوصی توجہ دینا شروع کردی ہے
تاکہ صوبے میں ترقیاتی کاموں پر اضافی رقومات خرچ کی جاسکیں، ذرائع سے معلوم ہوا ہے کہ ابتدائی تحقیقات کے دوران معلوم ہوا ہے متعدد موبائل فونز کمپنیوں نے بھی گذشتہ کئی سالوں سے اسٹیمپ ڈیوٹی ادا نہیں کی جس سے سندھ حکومت کو اربوں روپے کا خسارہ برداشت کرنا پڑا ہے، اس ضمن میں صوبے بھر کے ڈپٹی کمشنرز کو ہدایت کی گئی ہے کہ سرکاری ٹیکس چوری کرنے والے اداروں کے خلاف سخت کارروائی عمل میں لائی جائے اور ٹیکس کے نیٹ کو بڑھانے کے لیے بھی اپنا کردار ادا کریں جبکہ دوسری جانب ایسے افراد کیخلاف بھی کارروائی کی جائے گی
جوکہ جائیداد خریدنے کے بعد اپنے نام پر منتقل نہیں کراتے اور سندھ حکومت کو اسٹیمپ ڈیوٹی، رجسٹریشن فیس، سی وی ٹی اور سیل ڈیڈ ڈیوٹی کی مد میں بھاری نقصان برداشت کرنا پڑتا ہے، یاد رہے کہ گذشتہ مالی سال کے دوران شدید بارشوں اور سیلاب کے باعث 7 اضلاع کو آفت زدہ قرار دیا گیا تھا جس کی وجہ سے آبیانو ، زرعی ٹیکس اور دیگر متعلقہ ٹیکسز بھی وصول نہیں کیے جاسکے اور سندھ حکومت کو شدید مالی نقصانات برداشت کرنا پڑے اس لیے سندھ حکومت نے ٹیکس کے نیٹ ورک کو بہتر بنانے کے لیے جدید ٹیکنالوجی کے حصول کی کوششیں بھی شروع کردی ہیں اور ٹیکس ادا نہ کرنے والوں کے خلاف سخت کارروائی کی حکمت عملی بھی مرتب کی جا رہی ہے،
اس ضمن میں کمشنرز ، ڈپٹی کمشنرز ، محکمہ داخلہ ، بورڈ آف ریونیو ، زراعت ، ایکسائیز اینڈ ٹیکسیشن ، سندھ ریونیو بورڈ ، پاور ، بلدیات اور دیگر ٹیکسز وصول کرنے والے محکموں کو سرکاری ٹیکسز کی ریکوری کے لیے خصوصی ہدایات دی گئی ہیں، دوسری جانب وفاقی حکومت سے خط و کتابت بھی تیز کرنے کی ہدایت کی گئی ہے تاکہ بروقت وفاق سے اپنے حصے کی رقم حاصل کی جاسکے اور آئندہ ماہ سے صوبے بھر میں ترقیاتی منصوبوں کے لیے رقومات جاری کرنے کا سلسلہ تیز ہوسکے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔