امریکی سیاستدانوں کے پاس دہشتگردی سے نمٹنے کیلیے کوئی مؤثر حکمت عملی نہیں ڈونلڈ ٹرمپ

دہشتگردی سے لڑنے کیلیے مؤثر حکمت عملی نہ ہونے پر داعش ہم پر ہنس رہی ہے، امریکی صدارتی امیدوار، فوٹو؛ فائل

---

امریکی صدارتی امیدوار ڈونلڈ ٹرمپ کا کہنا ہے کہ امریکی سیاستدانوں کے پاس دہشت گردی سے نمٹنے کے لیے کوئی مؤثر حکمت عملی ہی نہیں اس لیے شدت پسند تنظیم داعش ہم پر ہنس رہی ہے۔

ڈونلڈ ٹرمپ نے امریکی سیاستدانوں کو تنقید کا نشانہ بناتے ہوئے کہا کہ اب ہم نہ اتنا اچھا بننا برداشت کرسکتے اور نہ ہی بے وقوف بن سکتے ہیں کیونکہ ہمارا ملک اس وقت مشکل میں ہے جب کہ ہمارے سیاسی لیڈروں کے پاس دہشت گردی سے نمٹنے کے لیے کوئی مؤثر حکمت عملی ہی نہیں ہے اس لیے شدت پسند تنظیم داعش ہم پر ہنس رہی ہے۔ انہوں نے کہا کہ میں اب ان سیاستدانوں کو دیکھ کر تھک گیا ہوں جو بیانات دے کر بتادیتے ہیں کہ وہ دہشت گردوں کے ساتھ کیا کرنے جارہے ہیں، داعش ہم پر ہنستی ہے اور حملوں کی تیاری کرری ہے، ہمیں انہیں بتائے بغیر ان پر حملہ کرنا چاہیے۔

ڈونلڈ ٹرمپ نے کہا کہ میرے مسلمانوں کے داخلے پر پابندی کے بیان پر ہیلری کلنٹن کی جانب سے یہ کہہ دینا کہ اس سے دہشت گردی کو فروغ مل رہا ہے یہ انتہائی بکواس ہے۔